Wɔn a wɔbɔ bra pa nko ara na wobetumi ne Yehowa afa adamfo. (1Pe 1:14-16) Sɛ Bible asuafo tumi gyae nneyɛe biara a Yehowa kyi a, ɛbɛboa wɔn ma wɔne wɔn mmusua ntam ayɛ kama, wobenya apɔwmuden, na ɛremma wɔnsɛe sika.

Boa wo Bible asuafo ma wɔnte Yehowa mmara ase. Ma wonhu nea enti a Yehowa pɛ sɛ wɔtwe wɔn ho fi nneyɛe ahorow bi ho ne mfaso a sɛ wodi Yehowa mmara so a wobenya. Sɛ woboa wɔn ma wɔsesa sɛnea wosusuw nsɛm ho a, ɛbɛka wɔn ma wɔn ankasa ayɛ nsakrae biara a ehia. (Efe 4:22-24) Ma wonnya awerɛhyem sɛ, Yehowa bɛboa wɔn ma wɔatumi agyae nneyɛe bɔne biara a agye ntini wɔ wɔn mu. (Flp 4:13) Kyerɛ wɔn sɛ, sɛ ɛba wɔn mu sɛ wɔnyɛ biribi a enye a, wɔmmɔ mpae nsrɛ Yehowa sɛ ɔmmoa wɔn na wɔankɔyɛ bɔne. Boa wɔn ma wonhu tebea ahorow a ebetumi atwetwe wɔn ama wɔakɔyɛ bɔne, na wɔntwe wɔn ho mfi ho. Sɛ́ anka wɔbɛyɛ nneɛma a ɛho ntew no, hyɛ wɔn nkuran ma wɔnyɛ nneɛma pa mmom mfa nsi anan. Sɛ yehu sɛ Yehowa aboa yɛn Bible suani bi ama watumi agyae nneyɛe bɔne bi a, hwɛ sɛnea yɛn ani begye!

HWƐ VIDEO A YƐATO DIN BOA WO BIBLE ASUAFO MA WONNYAE NNEYƐE BIARA A YEHOWA KYI NO. WUWIE A, BUA NSƐMMISA A EDIDI SO YI:

• Dɛn na asafo mu mpanyimfo no ne Neeta yɛ de kyerɛe sɛ wɔwɔ Jade mu awerɛhyem?

• Mmoa bɛn na Neeta kɔɔ so de maa Jade?

• Dɛn na Jade yɛ de hwehwɛɛ mmoa fii Yehowa hɔ?