Ɛsɛ sɛ Kristofo nyinaa hyɛ wɔn ho so wɔ nsa ho. (Mme 23:20, 29-35; 1Ko 6:9, 10) Sɛ Kristoni bi yɛ n’adwene sɛ ɔbɛnom nsa a, ɛsɛ sɛ ɔhwɛ yiye na wannom antra so. Ɛnsɛ sɛ ɔnom nsa ma ɛka ne hɔ ma ɛkɔyɛ te sɛ, wannya bi da koro koraa a ontumi ntena. Afei nso, ɛsɛ sɛ ɔhwɛ yiye na sɛnea ɔnom nsa no anto afoforo hintidua. (1Ko 10:23, 24; 1Ti 5:23) Ɛnsɛ sɛ obi hyɛ yɛn anaa yɛhyɛ obi, titiriw mmerante ne mmabaa sɛ wɔnnom nsa.

HWƐ VIDEO A YƐATO DIN WOBƐNOM NSA A DWEN HO YIYE NO. WUWIE A, BUA NSƐMMISA A EDIDI SO YI:

• Adɛn nti na ɛsɛ sɛ Kristofo nyinaa di aban mmara a ɛfa nsanom ho no so?—Ro 13:1-4

• Adɛn nti na ɛnsɛ sɛ yɛma obiara hyɛ yɛn sɛ yɛnnom nsa?—Ro 6:16

• Sɛ obi nom nsa bow a, ɔhaw bɛn na ebetumi afi mu aba? Dɛn na wobɛyɛ na woankɔtɔ ɔhaw a ɛte saa mu?