MA W’ANI NKU ASƐNKA HO | DƐN NA WOBƐYƐ NA AMA ANIGYE A WODE YƐ ASƐNKA ADWUMA NO AYƐ KƐSE?
Ma Wo Nkyerɛkyerɛ Nyɛ Anigye
Sɛ yɛde anigye kyerɛkyerɛ a, ɛma wɔn a wɔretie yɛn no nso ani gye. Afei nso, etumi ma nkurɔfo tie asɛm a yɛreka no. Sɛ yɛde anigye kyerɛkyerɛ a, ɛkyerɛ sɛ asɛm a yɛreka no som bo ma yɛn. Ɛwom, ɛsono sɛnea yɛn mu biara te ne baabi a yefi, nanso yebetumi de anigye akyerɛkyerɛ. (Ro 12:11) Yɛbɛyɛ no sɛn?
Nea edi kan, mfaso a ɛwɔ asɛm a worekɔka no so no, dwinnwen ho. Ɛyɛ akwannya kɛse sɛ yɛbɛka “nneɛma pa ho asɛmpa” akyerɛ nkurɔfo. (Ro 10:15) Nea ɛto so mmienu, sɛnea asɛm a worekɔka no bɛboa w’atiefo no, dwinnwen ho. Asɛm a yɛde nam no, ɛsɛ sɛ nkurɔfo te. (Ro 10:13, 14) Nea etwa to, ɛsɛ sɛ yɛma yɛn kasa mu yɛ hyew, yɛma yɛn anim yɛ sereserew na yɛde yɛn nipadua si asɛm a yɛreka no so dua.
HWƐ VIDEO A YƐATO DIN SƐ YƐMA YƐN HO KOKWAW WƆ ASUAFOYƐ ADWUMA NO MU A, ƐBƐMA YƐN ANI AGYE—MA WO NKYERƐKYERƐ NYƐ ANIGYE NO. WUWIE A, BUA NSƐMMISA A EDIDI SO YI:
-
Anigye a na Neeta de kyerɛkyerɛ no, adɛn nti na ɛso tewee?
-
Dɛn na ɛboaa Neeta ma ɔsan de anigye kyerɛkyerɛe?
-
Sɛ yɛde anigye kyerɛkyerɛ a, ɛma wɔn a wɔretie yɛn no nso ani gye
Adɛn nti na ɛsɛ sɛ yɛde yɛn adwene si suban pa a yɛn atiefo no wɔ so?
-
Sɛ yɛde anigye kyerɛkyerɛ a, sɛn na ɛbɛboa yɛn Bible asuafo ne afoforo?
