Ɛho nhwɛso a ɛwɔ Bible mu:

• Lu 20:37, 38—Yesu kaa sɛ Onyankopɔn ani so de, awufo da so te ase, na ɛno ma yehu sɛ owusɔre no bɛba mu ɔkwan biara so

• Yoh 11:5, 6, 11-14—Bere a Yesu adamfo Lasaro a ɔpɛ n’asɛm no wui no, Yesu de ne wu no totoo nna ho

• Heb 2:14, 15—Ɔsomafo Paul kaa sɛ ɛnsɛ sɛ yɛma owu ho hu kyekyere yɛn

Ɛho nhwɛso a ɛwɔ Bible mu:

• Nnipa nkron na Bible ka sɛ wɔnyanee wɔn fii owu mu. Wɔn mu nwɔtwe de, wɔnyan bɛtenaa asaase so bio. Wɔn a wɔn biribi awu a wɔredi awerɛhow no, sɛ wɔkenkan saa nsɛm no mu biara a, ɛbɛkyekye wɔn werɛ na wɔanya daakye ho anidaso

  • 1Ah 17:17-24—Odiyifo Elia nyanee okunafo bi babarima wɔ Sarefat a ɛwɔ Sidon

  • 2Ah 4:32-37—Odiyifo Elisa nyanee abarimaa bi wɔ Sunem, na ɔsan de no maa n’awofo

  • 2Ah 13:20, 21—Bere a ɔbarima bi a na owui nkyɛe amu kaa odiyifo Elisa nnompe no, ɔbarima no nyanee

  • Lu 7:11-15—Bere a nkurɔfo bi rekosie okunafo bi babarima a wawu wɔ Nain no, Yesu gyinaa wɔn na onyanee aberante no

  • Lu 8:41, 42, 49-56—Yesu nyanee hyiadan mu panyin Yairo babea

  • Yoh 11:38-44—Yesu nyanee n’adamfo Lasaro a ɔpɛ n’asɛm no, na ɛmaa ne nua mmea Marta ne Maria ani gyei

  • Aso 9:36-42—Kristoni yamyefo a wɔfrɛ no Dorka wui no, ɔsomafo Petro nyanee no

  • Aso 20:7-12—Bere a aberante bi a wɔfrɛ no Eutiko fi mfɛnsere ano bɛhwee fam wui no, ɔsomafo Paul nyanee no

• Wɔnyanee Kristo kɔɔ soro sɛ honhom a ɔrenwu da; ɛno ma yɛn awerɛhyem sɛ nneɛma a yɛn ani da so nyinaa bɛba mu daakye

  • Aso 17:31; 1Pe 3:18

• Yesu ne obi a odi kan a wɔnyanee no kɔɔ soro na onyaa nkwa a owu nnim, nanso ɛnyɛ ɔno nko ara na onyaa saa wusɔre no; n’akyidifo 144,000 a wɔde honhom asra wɔn no nso wu a, wɔnyan wɔn kɔ saa wusɔre no mu

  • 1Ko 15:20, 23, 51-53; 1Te 4:16, 17; Adi 14:1