ƆFÃ 3
Ná Paradise asetena te dɛn?
Yehowa maa Adam ne Hawa nneɛma pa pii. Genesis 1:28
Yehowa na ɔbɔɔ Hawa, ɔbea a odi kan no, na ɔde no maa Adam sɛ ne yere.—Genesis 2:21, 22.
Yehowa bɔɔ wɔn no, ɔmaa wɔn adwene ne nipadua a edi mu, na na wonni sintɔ biara.
Ná Eden turo no mu na wɔte—ná ɛyɛ beae a ɛyɛ fɛ a asubɔnten, nnuaba, ne mmoa wɔ.
Yehowa kasa kyerɛɛ wɔn; ɔkyerɛkyerɛɛ wɔn. Sɛ wotiee Onyankopɔn asɛm a, anka wɔbɛtena ase daa wɔ Paradise wɔ asase so.
Onyankopɔn ka kyerɛɛ wɔn sɛ ɛnsɛ sɛ wodi dua bi so aba. Genesis 2:16, 17
Onyankopɔn abɔfo no mu biako tew ne so atua. Wɔfrɛ saa ɔbɔfo bɔne no Satan Ɔbonsam.
Yehowa kyerɛɛ Adam ne Hawa dua bi a ɛsow aba wɔ turo no mu na ɔka kyerɛɛ wɔn sɛ sɛ wɔtew bi di a, wobewu.
Ná Satan mpɛ sɛ Adam ne Hawa tie Yehowa. Enti ɔnam ɔwɔ bi so ka kyerɛɛ Hawa sɛ, sɛ odi saa dua no so aba a ɔrenwu, na mmom ɔbɛyɛ te sɛ Onyankopɔn. Nanso, na Satan redi atoro.—Genesis 3:1-5.
Ebia W'Ani Begye Wei Nso Ho
BIBLE NKYERƐKYERƐ A ƐHO HIA PAA
Dɛn Nti Na Onyankopɔn Bɔɔ Asase?
Wohwɛ yɛn asase yi so a, wubehu nneɛma a ɛyɛ fɛ pii. Ɔkwan a ɛda asase ne owia ntam no fata paa. Saa ara nso na asase no twa ne ho pɛpɛɛpɛ. Adɛn nti na Nyankopɔn tɔɔ ne bo ase bɔɔ asase no kama saa?
