W’asɛm Wɔ Hɔ Da Biara
Twe Bi:
1. Agya yɛda w’ase,
Woakyɛ yɛn ade kɛse.
Woama yɛn W’asɛm kronkron,
Ɛno ky’rɛ sɛ wudwen yɛn ho.
Na wo din kronkron no,
Ne Ahenni asɛm no,
W’asɛm mu, woakora so.
Tete asomfo no hwɛɛ so yie.
Wɔyeree wɔn ho paa,
Sɛ wɔbɛbɔ W’asɛm ho ban.
Wohyɛɛ wɔn den, wode wo honhom.
Na wɔde wɔn ho too wo so.
(NNYESO)
W’asɛm wɔ hɔ da biara.
Na mfaso wɔ so ampa.
Ɛma abotɔyam, ɛyɛ anigyesɛm.
B’ribiara mu mede bɛbɔ bra.
2. O w’atamfo no adi nkogu,
W’asɛm adi nkonim.
W’anokwafo gyinaa pintinn,
Wɔn nyinaa gyee W’asɛm no dii.
Na atamfo ko tiaa Bible no;
Anokwafo no ans’ro wu.
Wɔnyaa gyidi kɛse, ne anidaso paa,
W’asɛm o bɛtenaa hɔ daa.
(NNYESO)
W’asɛm wɔ hɔ da biara.
Na mfaso wɔ so ampa.
Ɛma abotɔyam, ɛyɛ anigyesɛm.
B’ribiara mu mede bɛbɔ bra.
3. Anokwa, wo din no de Yehowa!
Yehu wɔ W’asɛm no mu.
Wobɛte wo din ho,
Na w’asɛm bɛyɛ hɔ.
Yɛbɛsom wo akosi daa.
(NNYESO)
O W’asɛm wɔ hɔ da biara.
Na mfaso wɔ so ampa.
Ɛma abotɔyam, ɛyɛ anigyesɛm.
B’ribiara mu mede bɛbɔ bra
akosi daa.
