Wuhu Nokware No a, Ɛbɛboa Wo Sɛn?
Onyankopɔn a ɔka nokware bere nyinaa no ama wo anidaso sɛ wubetumi anya “daa nkwa.”—Yohane 3:16.
DƐN NA EHIA SƐ WOYƐ?
Sua Onyankopɔn Asɛm Bible no; emu nsɛm yɛ nokware.—Yohane 17:3, 17.
Tie Onyankopɔn asɛm.—Deuteronomium 30:19, 20.
Fa Onyankopɔn akwankyerɛ bɔ wo bra.—Yakobo 1:25.
Yehowa Adansefo a wɔwɔ wiase baabiara ahu sɛ, nokwasɛm a ɛwɔ Bible mu a wɔresua no, ɛreboa wɔn paa wɔ wɔn asetenam. Wɔn ani begye ho sɛ wɔbɛka nea wɔresua no ho asɛm akyerɛ wo.
Nea Onyankopɔn abɔ ne tirim sɛ ɔbɛyɛ ama nnipa no, sɛ wopɛ sɛ wuhu ho nsɛm pii a, hwɛ Dɛn na Yebetumi Asua Afi Bible Mu? nhoma no ti 3. Yehowa Adansefo na wɔyɛe. Ɛsan wɔ Intanɛt so wɔ www.dan124.com/tw.
