NSASE NE NNIPA
Cambodia nsrahwɛ
WOKƆ Cambodia a, wubehu nkuraa a ɛwowɔ nsuo so, edwa a nnipa rebu fa so wom, moto a wɔde retwe nneɛma te sɛ nkokɔ ne frigye.
Cambodiafo anim te, wɔpɛ nnipa na obiara yɔnko yɛ ne busuani. Sɛ Cambodiani nnim obi koraa na ohyia no abɔnten mpo a, ɔde sista, brɔda, ante, wɔfa, nana ne nea ɛkeka ho bɛka ne din ho; ɔremmɔ no dinweɛ da!
Cambodiafo bi de ahyɛmma ayɛ wɔn fie, ebinom nso tete afie a wɔasi asi nsuo so mu. Wɔwɔ sukuu, klinik ne edwa wɔ nsuo so, na pɛtro shɛll mpo wɔ nsuo so
Cambodiafo ani gye aduaba yi ho paa
Cambodiafo pɛ ɛmo paa. Wɔnoa nnuane a, wɔyɛ no ahorow ahorow mmiɛnsa anaa nnan; wɔtaa yɛ nkwan ka ho. Wɔnkɔ nnya nsuomnam koraa. Wotumi de nnuane a ɛyɛ fremfrem, deɛ ɛka, anaa deɛ nkyene wom nyinaa si pon so.
Bɛyɛ mfe mpem mmienu a atwam no, sɛ India adwadifoɔ ne nnipa a nyamesom nti wotutu akwan rekɔ China a, na wɔfa Cambodia mpoano. Na wɔde sirikyi ne nnade kɔsesa nneɛma bi te sɛ mako, galik, ɛhyɛ nnua, asonse ne sika kɔkɔɔ. Eduu baabi no, na Cambodiafo asuasua Indiafo ne Chinafo amammerɛ, enti na Hindusom ne Buddhasom agye adwa wɔ hɔ. Ɛnnɛ Cambodiafo dodow no ara yɛ Buddhafo.
Yehowa Adansefo ka Bible mu asɛm kyerɛ Cambodiafo; ɛma wonya anidaso. Wɔde Dɛn na Bible Kyerɛkyerɛ Ankasa? nhoma no aboa nnipa pii. Wɔakyerɛ ase kɔ kasa bɛboro 250 mu; Cambodia kasa ka ho.
Yehowa Adansefo ne Cambodiafo bɛboro 1,500 sua Bible. Adesua no ama wɔanya nsɛmmisa te sɛ eyi ho mmuae: “Ɛhe na awufo wɔ?” ne “Adɛn nti na Onyankopɔn bɔɔ asase?”
Dɛn na Bible Kyerɛkyerɛ Ankasa? nhoma no. Yehowa Adansefo na wɔyɛe; ɛwɔ Cambodia kasa mu (ɛno ni).
Ebia W'Ani Begye Wei Nso Ho
NYAN!
New Zealand Nsrahwɛ
Afe biara, ahɔho bɛyɛ ɔpepem mmiɛnsa kɔhwɛ New Zealand ɛmfa ho sɛ ɛyɛ ɔman a ate ne ho no. Dɛn na ɛtwetwe ahɔho no saa?
NYAN!
Kazakhstan Nsrahwɛ
Bere bi a abɛsen kɔ no, na Kazakhfo di atutena, na na wɔtena yurt mu. Sɛ wohwɛ wɔn asetena seesei a, ɔkwan bɛn so na ɛma wuhu wɔn nananom asetena?
NYAN!
Spain Nsrahwɛ
Spain yɛ ɔman a ɛso nneɛma gu ahorow. Wokɔ hɔ a, wubehu sɛ asase no ne nnipa no nyinaa gu ahorow. Wiase nyinaa, Spain paa na yenya ngo a efi ngodua mu sen ɔman foforo biara.
