Mea rahi te hohoˈa fenua Bibilia i roto i te buka rairai Voyez le bon pays o ta oe e nehenehe e faaohipa no te faahohonu atu â i ta oe iho haapiiraa Bibilia. E itehia i roto i te Bibilia e rave rahi faahororaa no nia i te mau vahi, te mau oire e te mau fenua. E tauturu mai teie buka rairai ia faaoraora i ta oe taioraa e haapiiraa Bibilia. Oia atoa ia ite e ia taa ia oe i te mau vahi i reira te mau aamu Bibilia i te tupuraa. E tauturu atoa te reira ia oe ia taa mea nafea te mau vahi i ohipa ˈi i nia i te mau tupuraa i roto i te Bibilia.

I roto i teie buka rairai, e matara maitai te û o te mau hohoˈa fenua e te mau tapura o te faaite ra i te mau vahi o te tau tahito. Te vai atoa ra te mau hohoˈa, te mau hohoˈa hamanihia e te roro uira e e rave rahi tuhaa o te tauturu ia oe ia haamaitai atu â i ta oe iho haapiiraa.

E tauturu teie buka rairai ia oe ia

• taa i te mau tere o Aberahama, Isaaka e Iakoba

• feruri i te eˈa ta te mau Iseraela i rave a faarue ai ratou ia Aiphiti no te Fenua tǎpǔhia

• ite teihea roa Iseraela ia faaauhia i te mau nunaa enemi

• ite i te mau vahi ta Iesu i haere i roto i ta ˈna taviniraa

• taa i te rahi o te mau emepera i roto i te Bibilia, mai ia Babulonia, Heleni e Roma

E nehenehe oe e haere i nia i te hohoˈa fenua Bibilia na roto i te reo Farani i nia i te natirara.