I te 11 no Tetepa 2024, ua tupu te mataˈi rorofai Boris o te faatupu i te ûa rahi e te mataˈi puai i te tahi mau vahi i Europa no ropu. I te 12 no Tetepa, ua tapae te reira i te pae apatoa no Poronia e aita i raeahia 24 hora, ua topa 20 tenetimetera pape i te tahi mau vahi e ua î roa e rave rahi oire. Ua tuino roa te ûa rahi i te mau paturaa e e tausani taata tei ere i te uira. I te 13 no Tetepa, ua topa hau atu 50 tenetimetera pape i te pae apatoerau no Repupirita Tchèque e ua ino roa te mau fare, te mau purumu e te mau eˈa turu.

I te 14 no Tetepa, i Rumania, ua topa 25 tenetimetera pape e ua î roa e rave rahi oire iti i te pape pue. E 5 000 fare tei ino e ua parari na piti paturaa no te tapea i te pape i te mataeinaa no Galati. I te 18 no Tetepa, ua tapae te mataˈi rorofai Boris i te pae apatoerau no Italia. I roto noa 48 hora, ua topa fatata 30 tenetimetera pape ûa, ua purehu te pape i rapaeau i te mau anavai e ua î roa te mau purumu.

Ua faarue e tausani taata i to ratou vahi nohoraa i roto i na fenua e maha e 19 taata tei pohe.

Repupirita Tchèque

• Aita hoê aˈe o to tatou mau taeae e tuahine i pohe aore ra i pepe

• E 79 taata poro tei faarue i to ratou fare

• E 12 fare tei ino roa

• E 2 fare tei ino rii

• Ua ino roa 1 Piha a te Basileia

• Ua ino rii 1 Piha a te Basileia

Italia

• Aita hoê aˈe o to tatou mau taeae e tuahine i pohe aore ra i pepe

• E 63 taata poro tei faarue i to ratou fare

• E 7 fare tei ino roa

• E 21 fare tei ino rii

• Ua ino roa 1 Piha a te Basileia

• Ua ino rii 4 Piha a te Basileia

Poronia

• Aita hoê aˈe o to tatou mau taeae e tuahine i pohe aore ra i pepe

• E 87 taata poro tei faarue i to ratou fare

• E 61 fare tei ino roa

• E 85 fare tei ino rii

• Ua ino roa 2 Piha a te Basileia

• Ua ino rii 8 Piha a te Basileia

Rumania

• Aita hoê aˈe o to tatou mau taeae e tuahine i pohe aore ra i pepe

• Ua faarue 1 taata poro i to ˈna fare

• E 2 fare tei ino roa

• E 5 fare tei ino rii

• Aita hoê aˈe Piha a te Basileia tei ino aore ra tei parari

• Ua haamauhia 6 Tomite tauturu i tei ati no te faanaho i te mau tauturu

• Ua horoa te mau tiaau haaati e te mau matahiapo i te tamahanahanaraa e te tauturu i te pae materia i tei roohia i te ati

Te tamau ra tatou i te pure no te feia tei roohia i teie mataˈi rorofai, ma te tiaturi papu e tamahanahana e e aupuru Iehova ia ratou ma te here.—Isaia 40:11.