Mea rahi o te manaˈo ra e aita e ravea no te faaruru i te fifi na te ao nei i 2024. E nehenehe râ tatou e ite i te hoê tiaturiraa no a muri aˈe. Ihea?

 Te fafau ra te Bibilia e e faaafaro te Atua i te mau fifi o to tatou oraraa. Fatata te Atua i te “tamǎrô . . . i te mau roimata atoa o to [tatou] mata. E ore roa te pohe, e ore atoa te oto e te auê e te mauiui. Ua mou hoi te mau mea tahito.”—Apokalupo 21:4.

•   No te ite hau atu â no nia i ta te Bibilia e fafau ra no a muri aˈe, a taio i te tumu parau “Te hoê tiaturiraa papu no te hoê oraraa maitai aˈe.”

 Te horoa ra te Bibilia i te hoê tiaturiraa no a muri aˈe o te tauturu ia oe ia tinai i te mau manaˈo tano ore e ia faatupu i te hoê feruriraa maitai. (Roma 15:13) E nehenehe atoa te mau aˈoraa Bibilia e tauturu ia oe ia faaruru i te mau fifi, mai te veve, te parau-tia ore e te maˈi.

•   A hiˈo e nafea te tiaturiraa o te Bibilia i tauturu ai i te hoê taata ia noaa mai i te hau e te oaoa noa ˈtu te veve. A hiˈo i te video Juan Pablo Zermeño: Ua horoa mai Iehova i te hoê fa papu.

•   A hiˈo e nafea te Bibilia e nehenehe ai e tauturu ia oe ia faaruru i te toaruaru, te hepohepo e te ereraa i tei herehia. A taio i te tumu parau “E nehenehe anei te Bibilia e tamahanahana ia ˈu?”

•   A hiˈo mea nafea te hoê faehau i te faataaraa ia ˈna mai te hoê taata “aita e mafatu e aita e paraparau hanoa i te taata” i te iteraa i te hau maoti te Bibilia. A hiˈo i te video J’ai déposé les armes.

 Ia riro te matahiti 2024 ei matahiti maitai no oe e no to oe utuafare. A haapii hau atu â e nafea te Bibilia e nehenehe ai e tauturu ia oe. A tamata i ta matou faanahoraa haapiiraa Bibilia tamoni ore. A hiˈo e nafea te Atua e horoa ˈi ia oe i te “manaˈo hau” i teie nei â e ”te tahi oraraa no a muri aˈe e te tahi tiaturiraa.”—Ieremia 29:11.