“Teie te taime no te faaiti mai i te mau tamaˈi e no te haavî i te reira,” ta António Guterres te tia mana no te Hau amui i parau no nia i te tamaˈi tei tupu i rotopu ia Irania e Iseraela i te mahana maa 13 no Eperera 2024.

 Te mau tamaˈi i Hitia o te râ no ropu, hoê tera o te hiˈoraa no te mau ohipa e tupu ra na te ao nei.

 “Te farerei ra teie ao i te mau faahuehueraa ino mau mai te piti o te Tamaˈi rahi mai â e e 2 miria taata, hoê i nia e maha taata, tei faaruru i te reira.”—Apooraa o te parururaa o te mau Hau amui, 26 no Tenuare 2023.

 Te mau vahi tei faaruru i te mau faahuehueraa ino mau, te vai ra o Iseraela, Gaza, Suria, Azerbaïdjan, Ukraine, Soudan, Etiopia, Niger, Birmanie e Haïti. a

 Afea te mau tamaˈi e faaea ˈi? E nehenehe anei ta te mau faatereraa na te ao nei e hopoi mai i te hau? Eaha ta te Bibilia e parau ra?

 Te faataa ra te mau aroraa na te ao nei i teie mahana e te piri mai ra te hopea o te mau tamaˈi atoa. Te faatupu ra teie mau tamaˈi i te mau parau tohu Bibilia no nia i te anotau hopea ta tatou e ora nei. Ta te Bibilia e parau ra “te anotau hopea o te ao nei.”—Mataio 24:3.

•   “E faaroo outou i te tamaˈi e te parau o te tamaˈi. . . . E aro . . . te tahi nunaa i te tahi atu nunaa e te tahi faatereraa i te tahi atu faatereraa.”—Mataio 24:6, 7.

 A taio i te tumu parau “Eaha te tapao o ‘te mau mahana hopea’ aore ra o ‘te taime faataahia o te hopea’?” no te ite e nafea te mau tamaˈi i teie mahana e faatupu ai i te mau parau tohu Bibilia.

 Te fafau ra te Bibilia te hopea o te mau tamaˈi a te taata. Nafea te reira e tupu ai? E ere na roto i te mau tutavaraa a te taata, maoti râ Aramagedo, “te tamaˈi o te mahana rahi o te Atua Manahope.” (Apokalupo 16:14, 16) Maoti teie tamaˈi, e nehenehe te Atua e faatupu i ta ˈna parau fafau, oia hoi e ite te huitaata i te hau mure ore.—Salamo 37:10, 11, 29.

 No te ite hau atu â no nia i te tamaˈi a te Atua o te faaore i te mau tamaˈi atoa, a taio i te tumu parau “Eaha te tamaˈi o Aramagedo?”