I te 24 no Me 2022, ua tupu te hoê ati ino mau i te oire ra o Uvalde, Texas, i Marite. Te faatia ra te vea ra The New York Times e “ua pupuhi te hoê taata 19 tamarii e e piti orometua . . . i te fare haapiiraa tuatahi no Robb.”

 Te mea fifi râ, te pinepine noa ˈtu ra teie huru ati. Te faatia ra te vea ra USA Today e i Marite noa, “e 249 pupuhiraa tei tupu i roto i te mau fare haapiiraa i te matahiti i mairi aˈenei. Aita ïa tera faito i raeahia mai 1970 mai â.”

 No te aha teie huru ati ino mau e tupu ai? E nafea e faaruru ai i te reira? E nehenehe anei e tiaturi e ore te ino i te hoê mahana? E pahonoraa ta te Bibilia e horoa ra.

•    Te faataa ra te Bibilia e te ora nei tatou i “te mau mahana hopea . . . e au ore [ai] te taata te tahi i te tahi,” “e iria” noa ˈi a rave atu ai i te ohipa ino. Te parau faahou ra te Bibilia e “e ino roa ˈtu â te feia ino.” (Timoteo 2, 3:1-5, 13) No te ite atu â, a taio i te tumu parau “Ua tohu anei te Bibilia i nia i te huru feruriraa e haaraa o te mau taata i teie mahana?”

 Te uiui nei e rave rahi taata: ‘No te aha te Atua e vaiiho ai i teie huru ati ia tupu?’ No te ite i te pahonoraa a te Bibilia, a taio i te tumu parau “E ati te taata maitai: No te aha?”

•    “Te mau parau atoa hoi i papaihia mai tahito mai â, ua papaihia ïa ei haapiiraa ia tatou e ia noaa atoa te tiaturiraa na roto i . . . te tamahanahanaraa a te mau Papai.”—Roma 15:4.

 E nehenehe outou e faaruru i teie ao ino maoti te mau aratairaa Bibilia. No te tahi atu haamaramaramaraa, a hiˈo i te tumu parau “La violence cessera-t-elle un jour ?” o te vea ra A ara mai na!

 No te ite e nafea te mau metua e nehenehe ai e tauturu i ta ratou mau tamarii ia faaroo e ia hiˈo ratou i te parau apî peapea mau, a taio i te tumu parau “Enfants et actualités troublantes.”

•    “E faaora oia ia ratou i te haavîraa e te hamani-ino-raa.”—Salamo 72:14.

•    “E tupai ratou i ta ratou mau ˈoˈe ei auri arote e ta ratou mau omore ei tipi tope raau. E ore te hoê nunaa e amo i ta ratou ˈoˈe i nia i te tahi nunaa, e ore atoa ratou e haapii faahou i te tamaˈi.”—Mika 4:3.

 E faatupu te Atua i ta te taata e ore e nehenehe e rave. E faaore hoi ta ˈna Faatereraa arii i te raˈi i te mau mauhaa tamaˈi atoa e te haavîraa uˈana. No te ite atu â no nia i ta te Faatereraa arii a te Atua e faatupu, a taio i te tumu parau “Sous le royaume de Dieu, ‘la paix abondera.’”