Ieremia 22:1-30
22 Teie ta Iehova e parau ra: “A pou atu i te aorai* o te arii o Iuda, e a faatae atu i teie poroi.
2 E parau oe: ‘A faaroo i te parau a Iehova, e te arii o Iuda e parahi ra i nia i te terono o Davida, oe, ta oe mau tavini e to oe nunaa, te feia e tomo na teie mau uputa.
3 Teie ta Iehova e parau ra: “A turu i te mea afaro e te parau-tia. A faaora i tei eiâhia i te rima o te taata taviri. Eiaha e rave ino i te taata ê e noho ra i rotopu ia outou, e eiaha e hamani ino i te tamarii aita e metua tane* aore ra te vahine ivi.+ E eiaha e haamanii i te toto hara ore i teie fenua.+
4 Ia haapao maitai hoi outou i te faaohipa i teie parau, e tomo mai ïa te mau arii e parahi ra i nia i te terono o Davida+ na te mau uputa o teie aorai, na nia iho i te pereoo e te puaahorofenua, ratou, ta ratou mau tavini e to ratou nunaa.”’+
5 “‘Ia ore râ outou ia auraro i teie mau parau, te horeo nei au i to ˈu nei ora,’ te parau ra Iehova, ‘e riro teie aorai ei vahi ano.’+
6 “Teie hoi ta Iehova e parau ra no te aorai o te arii o Iuda:‘Mai ia Gileada oe no ˈu,Mai te tupuai mouˈa o Lebanona.
E faariro râ vau ia oe ei medebara,Aita hoê o to oe mau oire e parahihia.+
7 E e faatoroa* vau i te feia haamou no te aro ia oe,Ratou tataitahi e ta ratou mauhaa tamaˈi.+
E tâpû ratou i ta oe mau tumu arezi maitai roa ˈˈeE e faatopa ratou i te reira i roto i te auahi.+
8 “‘E e haere e rave rahi nunaa na pihai iho i teie oire ma te parau te tahi i te tahi: “Eaha Iehova i na reira ˈi i teie oire rahi?”+
9 E e pahonohia ratou: “No te mea ua faarue ratou i te faufaa a Iehova to ratou Atua e ua piˈo i mua i te tahi atu mau atua e ua tavini ia ratou.”’+
10 Eiaha e taˈi i te taata pohe,E eiaha e oto ia ˈna.
A taˈi maitai râ no te taata e reva ê ra,Eita hoi oia e hoˈi faahou mai no te ite i te fenua i fanauhia ˈi oia.
11 “Teie hoi ta Iehova e parau ra no Saluma*+ te tamaiti a Iosia, te arii o Iuda e faatere ra ei mono i to ˈna metua tane o Iosia+ e tei faarue i teie vahi: ‘Eita oia e hoˈi faahou mai i ǒ nei.
12 E pohe hoi oia i te vahi e hopoi-ê-hia ˈi oia, e eita oia e ite faahou i teie fenua.’+
13 Ua ati te taata e patu i to ˈna fare ma te parau-tia oreE to ˈna mau piha i nia ma te afaro ore,O te faarave faufaa ore i to ˈna taata tupu i te ohipa,O te ore e hinaaro e horoa i ta ˈna moni ohipa,+
14 Te taata e parau ra: ‘E patu vau i te hoê fare rahi no ˈuMea rarahi maitai te mau piha i nia.
E tuu vau i te mau haamaramaramaE e pǎpai au i te reira i te tumu arezi a peni atu ai i te uteute.’
15 No te mea anei mea rahi aˈe ta oe arezi e faaohipa ra e faatere noa ˈi oe?
I tamaa e i inu atoa na to oe metua tane,Ua turu râ oia i te mea afaro e te parau-tia,+E ua maitai noa oia.
16 Ua paturu oia i tei ahoaho e te taata veve a haavahia ˈi ratou,E maitai ïa tei itehia.
‘Eita anei te feia tei matau ia ˈu e na reira?’ te parau ra Iehova.
17 ‘Tei nia noa râ to oe mata e to oe aau i te apî e noaa mai i te ohipa taviri,I te haamaniiraa i te toto hara ore,E i te ohipa punu e te taviri moni.’
18 “No reira, teie ta Iehova e parau ra no Iehoiakima+ te tamaiti a Iosia, te arii o Iuda:‘Eita te taata e oto ia ˈna, a na ô ai:
“Auê, to ˈu taeae! Auê, to ˈu tuahine!”
Eita te taata e oto ia ˈna, a na ô ai:
“Auê, to ˈu fatu! Auê, to ˈu arii!”
19 Mai te hunaraa o te asini to ˈna hunaraa,+A hutihia ˈi to ˈna tino pohe e a taorahia ˈiI rapae i te mau uputa o Ierusalema.’+
20 A pauma i Lebanona e a tuô,A faateitei i to oe reo i Basana,E a tuô mai Abarima mai,+Ua vavahihia hoi ta oe mau tane atoa.+
21 Ua paraparau vau ia oe a ora ˈi oe ma te taiâ ore.
Ua parau râ oe: ‘Eita vau e faaroo.’+
Tera to oe haerea mai to oe apîraa mai,Aita hoi oe i faaroo i to ˈu reo.+
22 E puhi ê te hoê mataˈi i to oe mau tiai atoa,+E e hopoi-tîtî-hia ta oe mau tane.
I reira oe e haama ˈi e e faahaamahia ˈi no to oe mau ati atoa.
23 O oe o te parahi ra i Lebanona,+Tei hamani i to oe ofaaraa i rotopu i te mau tumu arezi,+E uuru mau â oe ia roohia oe i te mauiui,E mauiui rahi* mai to te vahine e fanau ra!”+
24 “‘Te horeo nei au i to ˈu nei ora,’ te parau ra Iehova, ‘noa ˈtu o oe Konia*+ te tamaiti a Iehoiakima,+ te arii o Iuda, te tapea rima titiro i nia iho i to ˈu rima atau, e tatara mau â vau ia oe mai reira mai!
25 E tuu vau ia oe i te rima o te feia e imi ra i te rave i to oe ora, i te rima o te feia ta oe e mǎtaˈu, i te rima o Nebukanesa te arii o Babulonia, e i te rima o te mau Kaladaio.+
26 E e huri au ia oe e to oe metua vahine tei fanau ia oe i te tahi atu fenua aita outou i fanauhia i reira, e i reira outou e pohe ai.
27 E eita roa ratou e hoˈi faahou i te fenua ta ratou* e mihi ra.+
28 E farii vahavahahia e te parari noa anei tera taata o Konia,E farii hinaaro-ore-hia?
Eaha oia e to ˈna huaai i hurihia ˈi i raroA taorahia ˈtu ai i te hoê fenua ta ratou i ore i matau?’+
29 E to te fenua e, to te fenua e, to te fenua e, a faaroo i te parau a Iehova.
30 Teie ta Iehova e parau ra:
‘A tapao i teie taata ei taata tamarii ore,Ei taata aita hoê ohipa maitai i to ˈna oraraa,*Eita hoi ta te hoê o to ˈna huaai e neheneheE parahi i nia i te terono o Davida e e faatere faahou ia Iuda.’”+
Nota i raro i te api
^ Heb: “fare.”
^ Aore ra “otare.”
^ Heb: “haamoˈa.”
^ Piihia Iehoahaza.
^ Heb: “mauiui fanau.”
^ Piihia Iehoiakina e Iekonia.
^ Aore ra “ta to ratou aau.”
^ Heb: “to ˈna mau mahana.”
