Ioba 13:1-28
13 “Oia mau, ua ite to ˈu mata pauroa te reira,Ua faaroo to ˈu tariˈa e ua taa i te reira.
2 Ta outou i ite, ua ite atoa vau.Aita vau i iti noa ˈˈe ia outou.
3 O vau nei, mea au aˈe na ˈu e paraparau i te Manahope.Te hinaaro ra vau e faaite i to ˈu tupuraa i mua i te Atua.+
4 Te parai nei râ outou ia ˈu i te haavare,E taote faufaa ore outou pauroa.+
5 Ahiri outou i mamû noa,Ua faaite ïa outou i te paari.+
6 A faaroo mai na i ta ˈu mau parau haapapuraa,E a haapao mai i te mau tatararaa a to ˈu utu.
7 E paraparau anei outou ma te tano ore i te iˈoa o te Atua,E e paraparau anei outou no ˈna ma te haavarevare?
8 E tia anei outou i to ˈna pae,E tamata anei outou i te turu i te Atua mau?
9 E mauruuru anei oia ia hiˈopoa oia ia outou?+
E haamaau anei outou ia ˈna mai ta outou e na reira i te taata?
10 E tamaˈi mau â oia ia outouIa tamata huna outou i te haapao i te feia noa ta outou e au.+
11 E ore anei to ˈna tiaraa teitei e faariaria ia outouE e ore anei outou e roohia i te mǎtaˈu ia ˈna?
12 Ta outou mau parau î i te paari,* e parau paari ïa o te rehu,Ta outou mau parau haapapuraa, e ere mea papu mai te mau paruru araea.
13 A mamû noa i mua ia ˈu, ia nehenehe au e paraparau.
E ia roohia vau i te mau mea atoa e nehenehe e tupu mai!
14 Eaha hoi au e imi ai i te fifi atâta*E e tuu ai i to ˈu ora i roto i to ˈu rima?
15 Noa ˈtu e nehenehe oia e haapohe ia ˈu, e tiai â vau.+E faaite au i to ˈu tupuraa* i mua i to ˈna aro.
16 I reira oia e riro ai to ˈu faaoraraa,+Aita hoi e taata faatura ore i te Atua* e nehenehe e tomo mai i mua ia ˈna.+
17 A faaroo maitai mai i ta ˈu parau.A haapao maitai i ta ˈu e faaite atu.
18 A hiˈo, i teie nei, ua faaineine au i ta ˈu hororaa i te haavaraa.Ua ite au o vau tei tano.
19 O vai te mârô mai ia ˈu?
E pohe au ia mamû noa vau!*
20 E piti noa mea ta ˈu e hinaaro e ani ia oe, e te Atua,*Ia ore au e tapuni mai mua ia oe:
21 A faaatea ê atu i to rima teimaha ia ˈu,E eiaha e vaiiho i te mǎtaˈu ia oe ia faariaria ia ˈu.+
22 A pii e e pahono vau,Aore ra a vaiiho ia ˈu ia paraparau, e na oe e pahono mai ia ˈu.
23 Eaha ta ˈu mau hape e ta ˈu mau hara?
A faaite mai ia ˈu i ta ˈu hapa e ta ˈu hara.
24 Eaha oe e huna ˈi i to aro+E e hiˈo ai ia ˈu ei enemi no oe?+
25 E tamata anei oe i te faariaria i te tahi rauere i pee i te mataˈiAore ra e tapapa anei oe i te aihere mǎrô?
26 Te tapaopao noa nei hoi oe i te mau pariraa teimaha ia ˈu,E te faaamo ra oe ia ˈu i te utua o te mau hara o to ˈu apîraa.
27 Ua haamau oe i to ˈu avae i roto i te raau,Te hiˈopoa ra oe i to ˈu mau haerea atoa,E te reni ra oe i to ˈu mau taahiraa avae tataitahi.
28 Te pê ra ïa te taata* mai te tahi mea pê,Mai te tahi ahu tei amuhia e te manumanu.
Nota i raro i te api
^ Aore ra “parau faahiahia mau.”
^ Heb: “Eaha hoi au e taˈitaˈi ai i to ˈu tino i to ˈu niho?”
^ Aore ra “paturu vau i to ˈu mau haerea.”
^ Aore ra “taiva.”
^ Huri-atoa-hia “Ia nehenehe te tahi taata e mârô mai, e mamû noa vau, a pohe atu ai.”
^ Heb: “E piti noa mea, eiaha oe e rave i nia ia ˈu.”
^ Heb: “oia,” eita e ore o Ioba.
