Ioba 18:1-21
18 Pahono maira Biladada+ ati Tua:
2 “Ehia â maororaa e faaea ˈi outou* i te parau i tera mau parau?
A faaohipa i to outou maramarama ia nehenehe matou e paraparau.
3 Eaha outou e hiˈo ai ia matou mai te animara+E e faariro ai ia matou ei maamaa?*
4 Noa ˈtu e hahae oe ia oe iho a riri ai oe,E faaruehia anei te fenua no oe aˈe,Aore ra e taa anei te mato mai to ˈna vairaa?
5 Oia mau, e pohe te maramarama o te taata ino,E eita te ura o ta ˈna auahi e pura mai.+
6 E poirihia iho â te maramarama i roto i to ˈna fare ie,E e pohe te mori i nia ia ˈna.
7 Ua haapotohia to ˈna taahiraa avae etaeta,E e hiˈa oia i ta ˈna iho aˈoraa.+
8 E aratai hoi to ˈna avae ia ˈna i roto i te hoê upeˈa,E e hahaere oia na roto.
9 E haru te tahi marei ia ˈna i te poro avae.E haru te tahi herepata ia ˈna.+
10 Ua hunahia te tahi taura no ˈna i raro i te repo,E e tarava te tahi marei i nia i to ˈna eˈa.
11 E haamehameha te mau mea riaria ia ˈna na te mau pae atoa+E e aˈuaˈu ia ˈna i muri noa mai ia ˈna.
12 E faarue to ˈna puai ia ˈna,E e peretete* oia no te ati.+
13 Ua pau to ˈna iri.E aihia to ˈna mau mero i te maˈi pohe ino roa ˈˈe.*
14 E aratohia oia mai roto mai i te vahi papu o to ˈna fare ie+E e arataihia oia i te arii o te mau mea riaria.*
15 Na te feia ěê* e parahi i roto i to ˈna fare ie.E ueuehia te ofai ura i nia i to ˈna nohoraa.+
16 E mǎrô to ˈna mau aˈa i raro aˈe ia ˈna,E e mǎrô to ˈna mau amaa i nia aˈe ia ˈna.
17 E moˈe to ˈna parau mai nia mai i te fenua,E i te aroâ, aita e taata e ite i to ˈna iˈoa.*
18 E aratohia oia mai te maramarama i roto i te poiriE e tiahihia oia mai nia mai i te fenua ruperupe.
19 Eita oia e tamariihia e e huaaihia i rotopu i to ˈna nunaa,E aita e taata e ora mai i te vahi e ora ˈi oia.*
20 Ia tae mai to ˈna mahana, e huru ê te nunaa i tooa o te râE e roohia te nunaa i hitia o te râ i te riaria.
21 Tera te tupu i nia i te mau fare ie o te taata ohipa inoE i te vahi o te taata aita i ite o vai te Atua.”
Nota i raro i te api
^ Peneiaˈe o Ioba e te feia mai ia ˈna aore ra i tei faaite i te aumihi no ˈna.
^ Huri-atoa-hia “viivii.”
^ Aore ra “teˈiteˈi.”
^ Heb: “e te matahiapo a te pohe.”
^ Aore ra “i te hoê pohe riaria mau.”
^ Heb: “te tahi mea e ere na ˈna.”
^ Heb: “aita to ˈna e iˈoa.”
^ Aore ra “e noho ai oia no te hoê taime.”
