Ioba 32:1-22
32 Faaea aˈera ïa na toru tane i te tamata i te pahono ia Ioba, no te mea ua papu ia ˈna e taata parau-tia o ˈna.*+
2 Riri roa ihora râ Elihu te tamaiti a Barakela ati Buza+ o te fetii o Rama. Ua ura to ˈna riri ia Ioba i te tamataraa i te haapapu ua tano o ˈna, eiaha râ te Atua.+
3 Ua riri roa atoa oia i na toru hoa o Ioba no te mea aita i itehia mai ia ratou te tahi pahonoraa, ua parau râ ratou mea ino te Atua.+
4 I tiai noa na Elihu no te pahono ia Ioba, no te mea e mea paari aˈe ratou ia ˈna.+
5 I te iteraa Elihu e aita e pahonoraa ta na tane e toru, ura ihora to ˈna riri.
6 Haamata ihora ïa Elihu te tamaiti a Barakela ati Buza i te parau:
“Mea apî au*E mea paari outou.+
No reira vau i mamû ai ma te faatura,+E ua taiâ vau i te parau ia outou i ta ˈu i ite.
7 Ua manaˈo vau: ‘Ia paraparau te feia ruhiruhia,*E ia faaite te feia matahiti rahi i te paari.’
8 Na te varua râ o te Atua i roto i te taata,Te aho o te Manahope, e horoa ia ratou i te maramarama.+
9 E ere noa i te matahiti* rahi e noaa ˈi te paari,E ere atoa te feia paari anaˈe te taa eaha te mea tano.+
10 No reira vau e na ô ai: ‘A faaroo mai ia ˈu,E e parau atoa ˈtu vau i ta ˈu i ite.’
11 Inaha, ua tiai au i ta outou mau parau.Ua faaroo noa vau i ta outou mau haaferuriraa+A imi ai outou i te mau parau ia parau.+
12 Ua hiˈopoa maitai au ia outou,Aita râ hoê o outou i nehenehe e haapapu e ua hape* IobaAore ra e pahono i ta ˈna mau parau haapapuraa.
13 Eiaha ïa e parau: ‘Ua itehia ia matou te paari.Na te Atua e faahapa ra ia ˈna, e ere na te taata.’
14 Aita oia i faatae mai i ta ˈna mau parau no te patoi ia ˈu,Eita ïa vau e pahono ia ˈna na roto i ta outou mau parau haapapuraa.
15 Ua horuhoru ratou, aita faahou ta ratou e pahonoraa.Aita ˈtu â e parau ta ratou.
16 Ua tiai au, aita râ ratou e paraparau faahou ra.Te tia noa ra ratou i reira, aita ˈtu â e pahonoraa.
17 O vau atoa ïa te horoa i te hoê pahonoraa.E parau atoa vau i ta ˈu i ite,
18 Ua î hoi au i te mau parau.Te turaihia ra vau e te varua o te Atua i roto ia ˈu.
19 E au to ˈu aau i te uaina aita e pipiharaa,I te mau pute uaina ua fatata i te mahae.+
20 E paraparau vau ia itehia ia ˈu te tamǎrûraa!
E hamǎmǎ vau i to ˈu vaha no te pahono.
21 Eita vau e maitiiti i te taata.+Eita atoa vau e faatietie i* te tahi taata,
22 Aita hoi au i ite i te faatietie.Ia na reira vau, e faaore-oioi-hia vau e Tei hamani ia ˈu.
Nota i raro i te api
^ Aore ra “no te mea e taata parau-tia o ˈna i ta ˈna hiˈoraa.”
^ Heb: “Mea iti to ˈu mau mahana.”
^ Heb: “te feia mea rahi to ratou mahana.”
^ Aore ra “mahana.”
^ Aore ra “e faahapa ia.”
^ Aore ra “e horoa i te tahi tiaraa hanahana no.”
