Ioba 35:1-16
35 Ua parau â Elihu:
2 “Ua papu maitai anei ia oe e ua tano oe i parau ai oe:‘Mea tia aˈe au i te Atua’?+
3 Te na ô ra hoi oe: ‘Eaha ïa na oe?*
Mea maitai aˈe anei to ˈu tupuraa ahani au i hara?’+
4 E pahono vau ia oeE i to oe mau hoa.+
5 A hiˈo i te raˈi e ia ite oe,A mataitai i te mau ata,+ tei nia roa ia oe.
6 Ia hara oe, e nafea oe e haamauiui ai ia ˈna?+
Ia rahi ta oe mau hapa, te aha ra oe ia ˈna?+
7 Mai te peu mea tia oe, eaha ta oe e horoa na ˈna,Eaha te noaa ia ˈna no ǒ mai ia oe?+
8 O te hoê taata noa mai ia oe te faaruru i to oe ino,E o te hoê tamaiti a te taata noa te faufaahia i ta oe parau-tia.
9 E tuô te taata no te uˈana o te haavîraa.E tuô ratou ia faatiamâhia ratou i te faatereraa a* te feia mana.+
10 Aita râ hoê aˈe e parau: ‘Teihea te Atua, to ˈu Atua rahi tei hamani ia ˈu,+Na ˈna e rave ia himenehia te himene i te po?’+
11 Na ˈna e haapii ia tatou+ hau aˈe i te mau animara o te fenua,+E na ˈna e faariro ia tatou ei mea paari aˈe i te mau manu o te raˈi.
12 E tuô te taata, eita râ oia e pahono,+No te teoteo o te feia ino.+
13 Eita iho â te Atua e faaroo i te tuô faufaa ore.*+Eita te Manahope e haapao i te reira.
14 Eita atoa ïa oia e faaroo ia oe ia amuamu i te oreraa e ite ia ˈna!+
To mua ia ˈna ta oe haavaraa. E tiai ru ïa oe ia ˈna.+
15 Aita hoi oia i faautua mai a riri ai oia,Aita atoa oia i tapaopao i to oe huru pateoteo.+
16 Te hamǎmǎ maitai ra Ioba i to ˈna vaha ma te faufaa ore.Te faarahi ra oia i te parau ma te ite ore.”+
