Ioba 37:1-24
37 “E otuˈituˈi to ˈu mafatu i te reira,E e ouˈa oia mai to ˈna vairaa.
2 A faaroo maitai i te haruru o to ˈna reoE te patiri no roto mai i to ˈna vaha.
3 E faaroohia te reira i raro aˈe i te raˈi taatoaE e tono oia i ta ˈna uira+ i te hopea o te fenua.
4 I muri iho, o te tahi ïa paaina haruru.E haruru te reo puai o te Atua,+E eita oia e tapea i te reira ua faaroo-anaˈe-hia to ˈna reo.
5 E haruru te reo o te Atua+ ma te faahiahia mau.E rave oia i te mau ohipa faahiahia eita ta tatou e nehenehe e taa.+
6 E parau hoi oia i te hiona: ‘A topa i nia i te fenua,’+
E i te ûa: ‘Ia topa puai oe.’+
7 E tapea te Atua i te mau ohipa atoa a te taata*Ia ite pauroa te taata i ta ˈna ohipa.
8 E haere te mau animara oviri i roto i to ratou mau apooE e faaea ratou i roto i to ratou mau tapuniraa.
9 E farara te mataˈi vero mai to ˈna piha mai,+E no ǒ mai te toˈetoˈe i te mau mataˈi no apatoerau.+
10 I te aho o te Atua e paari ai te pape,+E e etaeta ˈi te pape aano.+
11 Oia mau, e faateiaha oia i te mau ata i te haumi.E haapurara oia i ta ˈna uira+ i roto i te mau ata.
12 E ohu haere ratou i te vahi e faatae atu ai oia ia ratou.E rave ratou pauroa ta ˈna e faaue+ i nia i te fenua taatoa.*
13 No te faautua*+ aore ra no te maitai o te fenuaAore ra no to ˈna here taiva ore e faatupu ai oia i te reira.+
14 A faaroo mai Ioba.A faaea e a feruri maitai i te mau ohipa faahiahia a te Atua.+
15 Ua ite anei oe e nafea te Atua e faatere* ai i te mau ataE e nafea oia e faaanapa ˈi i te uira mai roto i ta ˈna ata?
16 Ua ite anei oe e nafea te mau ata e tautau haere noa ˈi?+
E ohipa faahiahia te reira na te Itehope.+
17 Eaha to oe ahu i âhu aiA ore ai te fenua e hautiuti no te mataˈi no apatoa?+
18 E nehenehe anei oe e hohora i te mau raˈi* e o ˈna+Mai te tahi hiˈo faatôhia?
19 A parau mai ia matou eaha ta matou e parau ia ˈna.Eita matou e nehenehe e pahono no te mea tei roto matou i te poiri.
20 Ia parauhia anei ia ˈna e te hinaaro ra vau e paraparau?
Aore ra ua parau anei te tahi i te tahi mea ia faaitehia ia ˈna?+
21 Eita hoi ta ratou e nehenehe e ite i te maramarama,*Noa ˈtu mea anaana te reira i roto i te raˈi,E ia puhi roa ˈtu te mataˈi a moˈe atu ai te mau ata.
22 E hihi auro te fa mai apatoerau mai.Mea faahiahia mau te teitei o te Atua.+
23 Eita e roaa ia tatou ia taa i te Manahope.+E mana rahi to ˈna,+E e ore roa oia e haava ma te faahuru ê i ta ˈna parau-tia rahi.+
24 No reira, ia mǎtaˈu te taata ia ˈna.+
Eita hoi oia e farii maitai i tei manaˈo e feruriraa paari* to ratou.”+
Nota i raro i te api
^ Heb: “E tuu te Atua i te tahi tapao titiro i nia i te rima o te taata atoa.”
^ Aore ra “te mau vahi ruperupe o te fenua.”
^ Heb: “hoê raau.”
^ Aore ra “faaue.”
^ Aore ra “e tupaipai i te mau raˈi i te hamara.”
^ Oia hoi to te mahana.
^ Heb: “aau î i te paari.”
