Ioba 41:1-34
-
Faataaraa te Atua ia Leviatana (1-34)
41 “E nehenehe anei ta oe e haru ia Leviatana*+ i te mǎtauAore ra e mau anei to ˈna arero ia oe i te taura?
2 E nehenehe anei ta oe e tuu i te taura* na roto i to ˈna apoo ihuAore ra e patia i to ˈna taa i te tarou?*
3 E taparuparu anei oia ia oe,Aore ra e paraparau anei oia ia oe ma te mǎrû?
4 E faaau anei oia ia oe i te tahi faufaa,Ia faariro oe ia ˈna ei tavini na oe e a muri noa ˈtu?
5 E hauti anei oe e o ˈna mai te tahi manuAore ra e taamu anei oe ia ˈna i te taura no ta oe mau tamahine rii?
6 E taui anei te feia tapihoo ia ˈna i te tahi taoˈa?
E tufa anei ratou ia ˈna i rotopu i te feia hoohoo?
7 E putaputa anei to ˈna iri ia oe i te patia+Aore ra to ˈna afii i te patia iˈa?
8 A tuu i to oe rima i nia iho ia ˈna.E haamanaˈo oe i te taputôraa e eita oe e na reira faahou!
9 Aita e faufaa ia manaˈo e vî o ˈna ia oe.
Na te ite noa oe ia ˈna e riaria roa oe.*
10 Aita hoê e tae e faatihaehae ia ˈna.
O vai ïa te nehenehe e aa ia ˈu?+
11 O vai na mua tei horoa mai i te tahi mea na ˈu ia faahoˈi atu vau i ta ˈna?+
Na ˈu pauroa to raro aˈe i te raˈi.+
12 Eita vau e mamû noa no nia i to ˈna mau mero,No nia i to ˈna puai e to ˈna tino hamanihia ma te faahiahia.
13 Na vai i tatara i to ˈna ahu tapoˈi?
O vai te tomo i roto i to ˈna vaha tei hamǎmǎ?
14 O vai te nehenehe e pana i na uputa o to ˈna vaha?*
Mea riaria to ˈna mau niho ati aˈe.
15 E anairaa poa to nia i to ˈna tua*Tei tapiri-maitai-hia te tahi i te tahi.
16 E tuatiati maitai te tahi i te tahi,Eita te mataˈi e ô na ropu.
17 Mea piri te tahi i te tahi.E ati te tahi i te tahi e eita e nehenehe e faataa ê.
18 E pura te maramarama ia maˈitihe oia,E e au to ˈna mata i te hihi mahana a haamata ˈi i te marama.
19 E anapa uira te na roto mai i to ˈna vaha,E pura auahi te pipiha mai.
20 E au auahi te mâˈi mai roto mai i to ˈna apoo ihu,Mai te tahi umu e opaero te vahie.
21 E ura te arahu i to ˈna aho,E e pipiha te auahi mai roto mai i to ˈna vaha.
22 E puai rahi to roto i to ˈna aˈî,E e horo te riaria na mua ia ˈna.
23 Mea taati-maitai-hia te mau opiraa o to ˈna iˈo.Mea etaeta te reira, mai te huru ra ua faatôhia i nia iho ia ˈna e e ore e hautiuti.
24 Mea paari to ˈna mafatu mai te ofai,Oia mau, mea paari mai to raro aˈe ofai oro.
25 Ia tia mai oia, te feia puai atoa te mehameha.Mea riaria roa ia hautiuti oia i to ˈna tino ma te taehae.
26 Aita e ˈoˈe e upootia i nia ia ˈna,Aita atoa e omore, e patia aore ra e teˈa.+
27 No ˈna, mai te huˈahuˈa sitona te auri,E mai te raau pê te veo.
28 Eita oia e horo ê i te teˈa.E riro te mau ofai te taorahia i nia iho ia ˈna ei aihere mǎrô.
29 No ˈna, e aihere mǎrô te tâpû raau,E e ata oia ia taorahia te omore.
30 E au to ˈna opu i te mau huˈahuˈa farii araea oi.E nee oia i roto i te vari mai te tahi mauhaa no te tairiiri i te huero maa.+
31 E pihaa te pape hohonu ia ˈna mai te pani.E reru te miti ia ˈna mai te pani monoˈi faatavai.
32 E huˈahia te pape e haere ai oia.
E manaˈohia e hinahina to te pape hohonu.
33 Aita e mea mai ia ˈna te huru i nia i te fenua,E animara hamanihia aita e riaria.
34 E hiˈo ino oia i te mau animara teoteo atoa.
E arii oia i nia pauroa te animara oviri rarahi.”
Nota i raro i te api
^ Eita e ore e moo taehae.
^ Heb: “opaero.”
^ Heb: “tara.”
^ Aore ra “e topa oe i raro.”
^ Heb: “hohoˈa mata.”
^ Huri-atoa-hia “E haapeuraa na ˈna to ˈna anairaa poa.”
