Ioba 7:1-21
7 “E ere anei te oraraa o te taata i te fenua nei mai te ohipa faahepohia?E ere anei to ˈna mau mahana mai to te hoê rave ohipa tarahuhia?+
2 Mai te hoê tîtî, e tiai ru oia i te marumaru,E mai te hoê rave ohipa tarahuhia, e tiai oia i ta ˈna moni ohipa.+
3 Oia atoa ua tuuhia mai te mau avaˈe faufaa ore no ˈuE ua faataahia te mau po hepohepo no ˈu.+
4 Ia tarava vau, e ui au: ‘Afea vau e tia ˈi i nia?’+
Ia tae mai râ te po, e hurihuri noa vau e ao* noa ˈtu.
5 Ua poˈi to ˈu tino i te toˈe e te repo.+Ua î to ˈu iri i te tutuˈa e te pirau.+
6 E mairi oioi aˈe to ˈu mau mahana i te nira a te hoê taata raraa,+E e hope te reira ma te tiaturiraa ore.+
7 A haamanaˈo e mataˈi to ˈu oraraa,+E eita to ˈu mata e ite faahou i te oaoa.*
8 Eita te mata o te ite ra ia ˈu i teie nei e ite faahou ia ˈu.E imi to mata ia ˈu, aita faahou râ vau.+
9 Mai te hoê ata e pee e e moˈe,Eita te taata o te pou i te Apoo* e hoˈi faahou mai.+
10 Eita oia e hoˈi faahou i to ˈna fare,E eita to ˈna vahi e ite faahou o vai o ˈna.+
11 No reira, eita vau e tapea i to ˈu vaha.
E paraparau vau ma te hepohepo o to ˈu aau.*E autâ vau ma to ˈu ahoaho rahi!*+
12 O te miti anei au, aore ra e animara rahi o te miti,E tuu ai oe i te hoê tiai no ˈu?
13 Ia parau vau: ‘E tamahanahana to ˈu roˈi ia ˈu.E tamǎrû to ˈu roˈi i to ˈu hepohepo,’
14 I reira oe e faariaria ˈi ia ˈu i te moemoeâE e haamehameha ˈi ia ˈu i te orama,
15 Mea maitai aˈe ïa na ˈu eiaha e huti i te aho,Oia mau, mea maitai aˈe te pohe i teie tino to ˈu.*+
16 Mea faufau na ˈu to ˈu oraraa.+ Aita vau e hinaaro faahou ra i te ora.
A vaiiho ia ˈu, mai te aho hoi to ˈu mau mahana.+
17 Eaha te taata ia haapeapea oe no ˈnaE ia haapao oe* ia ˈna?+
18 Eaha oe e hiˈopoa ˈi ia ˈna i te mau poipoi atoaE e tamata ˈi ia ˈna i te mau taime atoa?+
19 Eita anei oe e fariu ê ia ˈuE e vaiiho ia ˈu e ia horomii noa ˈˈe au i to ˈu huare?+
20 Mai te peu ua hara vau, e nafea vau e nehenehe ai e faaino ia oe, Tei hiˈopoa i te huitaata?+
No te aha o vau ta oe i tairi?
Ua riro anei au ei hopoia teimaha na oe?
21 Eaha oe e ore ai e faaore i ta ˈu hapaE e faaore i ta ˈu hape?
Fatata hoi au i te tarava i raro i te repo.+E imi oe ia ˈu, aita faahou râ vau.”
Nota i raro i te api
^ Aore ra “aahiata.”
^ Heb: “maitai.”
^ Aore ra “te ahoaho rahi o to ˈu aau.”
^ Heb: “to ˈu mau ivi.”
^ Heb: “ia haamau oe i to oe aau i nia.”
