Ioba 8:1-22
8 Pahono maira Biladada+ ati Tua:+
2 “Ehia â maororaa e paraparau ai oe mai tera?+
E mataˈi puai noa te mau parau a to oe vaha!
3 E faahuru ê anei te Atua i te haavaraa?Aore ra e faahuru ê anei te Manahope i te parau-tia?
4 Mai te peu ua hara ta oe mau tamaiti ia ˈna,Ua vaiiho ïa oia ia ratou ia faautuahia no to ratou orureraa hau.*
5 Ahani râ e fariu noa ˈtu oe i te Atua,+E e taparu oe i te Manahope ia hamani maitai mai,
6 E ahani e taata viivii ore e te afaro mau â oe,+Ua haapao mai ïa oia ia oe*E ua faahoˈi oia ia oe i to oe tiaraa tano.
7 E noa ˈtu mea iti to oe haamataraa,E riro to oe ananahi i te rahi.+
8 A ui na i te uˈi na mua ˈtu,E a haapao i te mau mea ta to ratou mau metua i ite mai.+
9 No inanahi noa ra hoi tatou i te fanauraahia, aita hoê aˈe ite to tatou,No te mea e marumaru to tatou mau mahana i te fenua nei.
10 Eita anei ratou e haapii ia oeE e parau ia oe i ta ratou i ite?*
11 E tupu anei te môˈu i te vahi pape ore?
E tupu anei te aeho aita anaˈe e pape?
12 A vai noa ˈi te reira i roto i te omou, aita â i ofatihia ˈtura,E mǎrô te reira na mua ˈˈe i te tahi atu mau raau tupu.
13 Tera te hopea* o te taata atoa o te haamoˈe i te Atua,E mou hoi te tiaturiraa o te taata faatura ore i te Atua,*
14 Mea faufaa ore to ˈna tiaturiE mai te puaverevere* o te mutu hanoa ta ˈna e turui ra i nia iho.
15 E turui oia i nia i to ˈna fare, eita râ te reira e tia noa.E tamata oia i te tapea i te reira, eita râ e vai maoro.
16 E raau tupu rarirari oia i te vahi mahana,E e toro to ˈna mau amaa apî i roto i te ô.+
17 I roto i te tahi pueraa ofai e tafifi ai to ˈna mau aˈa,E imi oia i te tahi fare i rotopu i te mau ofai.*
18 Ia iriti-tumu-hia* râ oia mai to ˈna vairaa,E mata ê taua vairaa ra ia ˈna ma te parau: ‘Aita vau i ite aˈenei ia oe.’+
19 Oia mau, mai tera oia e mou ai.*+I reira e tupu ai te tahi atu mai raro mai i te repo.
20 Eita te Atua e faarue i te feia hapa ore.Eita atoa oia e turu i* te feia ino,
21 E faaî â hoi oia i to oe vaha i te ataE to oe na utu i te umere.
22 E vehîhia te feia e hae ra ia oe i te haama,E e faaorehia te fare ie o te feia ino.”
Nota i raro i te api
^ Heb: “Ua tono oia ia ratou i te rima o to ratou orureraa hau.”
^ Aore ra “E ara mai ïa oia no oe.”
^ Heb: “e faahiti i te mau parau no roto i to ratou aau?”
^ Heb: “Tera te mau eˈa.”
^ Aore ra “taiva.”
^ Heb: “fare o te tuturahonui.”
^ Aore ra “E hiˈo oia i te tahi fare ofai.”
^ Aore ra “horomiihia.”
^ Aore ra “mai tera te morohiraa o to ˈna eˈa.”
^ Heb: “e tapea i te rima o.”
