Ioba 9:1-35
9 Pahono atura Ioba:
2 “Ua ite au e te reira iho â.
E nafea râ te tahi taata e upootia ˈi i te haavaraa i nia i te Atua?+
3 Ia hinaaro noa ˈtu te tahi e mârô ia ˈna,*+Eita ta ˈna e nehenehe e pahono hoê uiraa ta ˈna i nia hoê tausani.
4 E paari o te aau to ˈna e mea puai roa oia.+
O vai te nehenehe e faaû ia ˈna a ore atu ai e pepe?+
5 E taui oia i te vairaa o* te mau mouˈa e aita hoê i ite.E faataahuri oia i te reira a riri ai oia.
6 E faaaueue oia i te fenua i to ˈna vairaa,A aueue atu ai to ˈna mau pou.+
7 E faaue oia i te mahana eiaha e anaanaE e taamu oia i te maramarama o te mau fetia i te tapao titiro.+
8 Na ˈna iho e hohora i te mau raˈi,+E e haere oia na nia i te mau are teitei o te moana.+
9 Na ˈna i hamani i na pue fetia o Asa, Kesili e Kima,+E te mau pue fetia o te raˈi* no apatoa.
10 E rave oia i te mau mea maere e te ore e nehenehe e imi,+Te mau mea faahiahia mau te ore e nehenehe e taio.+
11 Te na pihai iho ra oia ia ˈu, e eita vau e ite ia ˈna.Te haere atu ra oia, aita râ vau e taa ra o ˈna tera.
12 Ia haru oia i te tahi mea, o vai te nehenehe e haapaari atu?
O vai te nehenehe e parau ia ˈna: ‘Te aha ra oe?’+
13 Eita te Atua e haavî i to ˈna riri.+Ta Rahaba*+ mau tauturu atoa te tipapa i mua ia ˈna.
14 Hau atu â ïa ia pahono vau ia ˈna,E maiti maitai au i ta ˈu mau taˈo no te tauaparau ia ˈna!
15 Noa ˈtu ua tano vau, eita vau e pahono ia ˈna.+
E nehenehe noa vau e taparu i to ˈu haava* ia aroha hamani maitai mai.
16 Ia tiaoro noa ˈtu vau ia ˈna, e pahono anei oia ia ˈu?
Aita vau e manaˈo ra e faaroo oia i to ˈu reo,
17 Te taataahi ra hoi oia ia ˈu i te veroE te faarahi ra i to ˈu mau pepe aita e tumu.+
18 Aita oia e vaiiho ra ia ˈu ia huti i te aho.Te faarahi noa ra oia i to ˈu ati.
19 No nia i te puai, o ˈna ïa te mea puai.+
No nia i te parau-tia, e parau oia: ‘O vai te nehenehe e faahapa* ia ˈu?’
20 Mai te peu ua tano vau, na to ˈu iho vaha e faahapa ia ˈu.Noa ˈtu e tapea vau i to ˈu hapa ore,* e haava oia ia ˈu ei taata hapa.*
21 Noa ˈtu e tapea vau i to ˈu hapa ore,* aita i papu ia ˈu e nafeahia vau.E haapae au* i teie oraraa to ˈu.
22 Hoê â huru. No reira vau e parau ai:‘E haamou oia i te taata hara ore* e te taata ino atoa.’
23 Ia tupu taue te hoê diluvi o te haapohe e rave rahi,Eita oia e tâuˈa i te hepohepo o te taata hara ore.
24 Ua tuuhia te fenua i te rima o te feia ino.+E tapoˈi oia i te mata* o to reira mau haava.
Mai te peu e ere na ˈna, na vai ïa?
25 E mairi oioi aˈe to ˈu mau mahana i te tahi taata horo.+E horo te reira ma te ore e ite i te maitai.
26 E hee te reira mai te mau vaa aeho,Mai te mau aeto e pou i nia i ta ratou e aˈuaˈu.
27 Ia parau vau: ‘E haamoˈe au i ta ˈu autâ,E taui au i to ˈu hohoˈa mata e e ataata vau,’
28 E mǎtaˈu noa â vau no to ˈu mau mauiui atoa,+E ua ite au e parau oe e ere au i te taata hara ore.
29 E parauhia vau ei taata hapa.*
No te aha ïa vau e tutava faufaa ore ai?+
30 Ia tamâ vau ia ˈu i te pape no roto i te hiona tahe,E ia horoi au i to ˈu rima i te puˈa,+
31 I reira oe e tutau ai ia ˈu i roto i te tahi apoo,A haafaufau atu ai to ˈu iho mau ahu ia ˈu.
32 E ere hoi oia i te taata mai ia ˈu e nehenehe ai au e pahono ia ˈna,E haere ai mâua i te haavaraa.+
33 Aita e taata no te faaoti* i rotopu ia mâua,O te nehenehe e riro ei haava no mâua.*
34 Ia faaea oia i te tairi ia ˈu*E ia ore e vaiiho i ta ˈna mau mea riaria ia haamǎtaˈu ia ˈu,+
35 E paraparau vau ia ˈna ma te taiâ ore,E ere hoi i to ˈu nei huru ia paraparau ma te mǎtaˈu.
Nota i raro i te api
^ Aore ra “e horo ia ˈna i te haavaraa.”
^ Aore ra “tatara oia i.”
^ Heb: “te mau piha i roto.”
^ Eita e ore e animara rahi o te miti.
^ Huri-atoa-hia “te taata tei horo ia ˈu.”
^ Heb: “titau.”
^ Aore ra “e taata hara ore au.”
^ Heb: “piˈo.”
^ Aore ra “e taata hara ore au.”
^ Aore ra “vahavaha vau.”
^ Aore ra “te feia tei tapea i to ratou hapa ore.”
^ Heb: “hohoˈa mata.”
^ Heb: “ino.”
^ Aore ra “e arai.”
^ Heb: “e tuu i to ˈna rima i nia ia mâua.”
^ Heb: “tatara oia i ta ˈna raau mai nia mai ia ˈu.”
