Isaia 22:1-25
22 E parau no nia i te Peho o te orama:*+
Eaha to oe i haere pauroa ˈi to oe taata i nia i te mau tapoˈi fare?
2 I huehue na oe,E oire ahoahoa, e oire popou.
E ere i te ˈoˈe te poheraa to oe feia pohe,E ere atoa i te aroraa to ratou poheraa.+
3 Hoê â hororaa pauroa te taata tei haavî na ia oe.+
Ua hopoihia ratou i te fare tapearaa aita hoê i teˈa aˈe ia ratou.
Pauroa te taata tei itehia mai tei hopoihia i te fare tapearaa,+Noa ˈtu ua horo ê ratou i te atea.
4 No reira vau i parau ai: “A fariu ê atu i to outou mata ia ˈu,E e taˈi au ma te ahoaho.+
Eiaha e onoono i te tamahanahana ia ˈuNo te haamouraa o te tamahine a* to ˈu nunaa.+
5 E mahana hoi no te horuhoru e te pau e te huehue,+No ǒ mai i te Arii hau ê e Fatu ra, o Iehova o te mau nuu,*I te Peho o te orama.
E vavahihia te aua,+E tuôhia i te mouˈa ra.
6 E rave Elama+ i te vairaa teˈa,Te pereoo tamaˈi e te puaahorofenua,*E e tatara* mai Kira+ i te paruru.
7 E î to oe mau peho maitai roa ˈˈeI te pereoo tamaˈi,E tia te mau puaahorofenua* i te uputa,
8 E e tatarahia te paruru a Iuda.
“I tera mahana e hiˈo outou i te vairaa mauhaa tamaˈi o te Fare o te Uru raau,+
9 e e ite outou e rave rahi afâ i nia i te aua o te oire o Davida.+ E e haaputu outou i te pape i roto i te pape hopu no raro.+
10 E taio outou i te mau fare i Ierusalema, e e vavahi outou i te tahi mau fare no te haapaari i te aua.
11 E e hamani outou i te tahi apoo i ropu i na patu e piti no te pape o te pape hopu tahito, eita râ outou e hiˈo i Tei hamani i te reira, e eita outou e ite i Tei faaineine i te reira mea maoro aˈenei.
12 I tera mahana, e titau te Arii hau ê e Fatu ra o Iehova o te mau nuuIa taˈi e ia oto te taata,+Ia hahu i to ratou upoo e ia oomo i te ahu oto.
13 Inaha râ, e faatupu ratou i te oroa e e oaoa ratou,E tupaihia te puaatoro e te mamoe,E inaˈi te maa e e uaina te inu.+
‘E tamaa e e inu anaˈe, ananahi hoi tatou e pohe ai.’”+
14 Faatia maira ïa Iehova o te mau nuu i teie parau i to ˈu tariˈa: “‘Eita teie hara e faaorehia e pohe noa ˈtu outou,’+ te parau ra te Arii hau ê e Fatu ra o Iehova o te mau nuu.”
15 Teie ta te Arii hau ê e Fatu ra o Iehova o te mau nuu e parau ra: “A haere i ǒ tera tiaau, o Sebena,+ na ˈna e haapao i te aorai,* e a na ô atu:
16 ‘Eaha ta oe i ǒ nei, e o vai to oe fetii i ǒ nei, i ô ai oe i te vahi hunaraa no oe i ǒ nei?’ Te ô nei oia i te vahi hunaraa no ˈna i nia i te tahi vahi teitei. Te pao nei oia i te vahi faafaaearaa* no ˈna i roto i te mato.
17 ‘Inaha, e taora uˈana Iehova ia oe i raro, e tera taata e, e e haru oia ia oe ma te puai.
18 E otaro haavî mau â oia ia oe a taora ˈtu ai ia oe mai te tahi popo i te tahi fenua aano. I reira oe e pohe ai, e ei reira to oe mau pereoo tamaˈi hanahana, e haamaraa no te utuafare o to oe fatu.
19 E tatara vau ia oe i to oe tiaraa e e tihati au ia oe i to oe toroa.
20 “‘I tera mahana, e pii au i ta ˈu tavini o Eliakima+ te tamaiti a Hilikia,
21 e e ahu vau ia ˈna i to oe ahu roa, e taamu maite au i to oe hatua i nia ia ˈna,+ e e horoa vau i to oe mana faatere* i to ˈna rima. E riro oia ei metua no to Ierusalema e no te nunaa o Iuda.
22 E tuu vau i te taviri a Davida+ i nia i to ˈna tapono. E iriti oia, e eita hoê e tapiri. E tapiri oia, e eita hoê e iriti.
23 E haamoˈe au ia ˈna mai te tahi naero i te hoê vahi papu, e e riro oia mai te tahi terono hanahana no te utuafare o to ˈna metua tane.
24 E ei ia ˈna ra te hanahana* taatoa o te utuafare o to ˈna metua tane, te huaai e to muri mai uˈi, pauroa te farii nainai, te mau auˈa e te mau farii rarahi.
25 “‘I tera mahana,’ te parau ra Iehova o te mau nuu, ‘e tatarahia te naero haamoˈehia i te vahi papu,+ e tâpûhia te reira e e topa, e e mou roa te hopoia ta ˈna i amo na, na Iehova hoi i parau.’”
Nota i raro i te api
^ Eita e ore o Ierusalema.
^ E faahohoˈaraa pehepehe no te faaite paha i te aroha aore ra te aumauiui.
^ Aore ra “sabaota.”
^ Aore ra “te feia faahoro puaahorofenua.”
^ Aore ra “faaineine.”
^ Aore ra “te feia faahoro puaahorofenua.”
^ Heb: “fare.”
^ Heb: “nohoraa.”
^ Aore ra “ta oe faatereraa.”
^ Heb: “teiaha.”
