Isaia 51:1-23
51 “A faaroo mai ia ˈu, outou e tapi ra i te parau-tia,Outou e imi ra ia Iehova.
A hiˈo i te mato mai reira outou i te tarairaahiaE i te paoraa ofai mai reira outou i te paoraahia.
2 A hiˈo ia Aberahama to outou metua taneE ia Sara+ tei fanau mai ia outou.*
Hoê noa hoi taata oia i to ˈu piiraa ia ˈna,+E ua haamaitai au ia ˈna e ua faarahi au i to ˈna huaai.+
3 E tamahanahana hoi Iehova ia Ziona.+
E hopoi mai oia i te tamahanahanaraa i to ˈna mau vahi ano atoa,+E e faariro oia i to ˈna medebara mai ia Edene+E to ˈna vahi papu pâpâmǎrô mai te ô a Iehova.+
E itehia i ǒ ˈna te umere e te oaoa,Te haamauruururaa e te himene navenave.+
4 A faaroo maitai mai ia ˈu, e to ˈu mau taata,E a horoa mai i te tariˈa faaroo, to ˈu nunaa.+
Mai ia ˈu atu nei hoi e matara ˈi te tahi ture,+E e haamau vau i ta ˈu parau-tia ei maramarama no te mau nunaa.+
5 Ua fatata ta ˈu parau-tia.+
E haere atu ta ˈu faaoraraa,+E na to ˈu rima e haava i te mau nunaa.+
Ia ˈu nei e tiaturi ai te mau motu,+E i to ˈu rima* e tiai ai ratou.
6 A hiˈo i nia i te raˈi,E a hiˈo i te fenua i raro.
E moˈe hoi te raˈi mai te au auahi.E ino te fenua mai te ahu,E e pohe to reira mau taata mai te naonao.
Area ta ˈu faaoraraa, mea mure ore ïa,+E e ore roa ta ˈu parau-tia e mou.*+
7 A faaroo mai ia ˈu, outou tei ite i te parau-tia,Te nunaa to roto ta ˈu ture* i to outou aau.+
Eiaha e mǎtaˈu i te mau faatihaehaeraa a te taata,E eiaha e riaria no ta ratou mau faainoraa.
8 E pau hoi ratou i te amuhia e te manumanu mai te tahi ahu.E amuhia ratou e te manumanu* mai te huruhuru mamoe.+
Area ta ˈu parau-tia, e vai noa ïa e a muri noa ˈtu,E ta ˈu faaoraraa no te mau uˈi atoa.”+
9 A ara mai! A ara mai! A ahu mai i te puai,E te rima o Iehova e!+
A ara mai mai i te mau mahana i tahito ra, mai i te tau o te mau uˈi i mutaa iho.
E ere anei na oe i faahuˈahuˈa ia Rahaba,*+I patia i te animara rahi o te miti?+
10 E ere anei na oe i haamǎrô i te miti, te mau pape o te moana rahi?+
E ere anei na oe i faariro i te mau hohonuraa o te miti ei purumu e na reira ˈi te feia tei hoohia mai i te haere?+
11 E hoˈi mai to Iehova mau taata tei hoohia mai.+
E tomo ratou i Ziona ma te umere,+E e faaheihia ratou i* te oaoa mure ore.+
E umere e e oaoa ratou,E e horo ê te oto e te autâ.+
12 “Na ˈu e tamahanahana nei ia outou.+
Eaha ïa oe e mǎtaˈu ai i te taata o te pohe i te hoê mahana+E i te tamaiti a te taata o te oriorio mai te aihere?
13 Eaha oe e haamoˈe ai ia Iehova tei hamani ia oe,+Tei hohora i te raˈi+ e tei haamau i te niu o te fenua?
I mǎtaˈu noa na oe i te mahana taatoa i te hae o te taata haavî,*Mai te huru ra e haere ia ˈna ia haamou ia oe.
Teihea ˈtura ïa i teie nei te hae o te taata haavî?
14 Fatata tei fefe i te mau fifi auri i te faatiamâhia.+E ore oia e pohe e e pou i te apoo,E ore atoa oia e ere i ta ˈna maa.
15 O vau râ Iehova to oe Atua,O te faaarepurepu i te miti, a haruru atu ai to ˈna mau are.+O Iehova o te mau nuu* to ˈu iˈoa.+
16 E tuu vau i ta ˈu mau parau i roto i to oe vaha,E e tapoˈi au ia oe i te marumaru o to ˈu rima,+No te haamau i te raˈi e te niu o te fenua+E no te parau ia Ziona: ‘O outou to ˈu nunaa.’+
17 A ara mai! A ara mai! A tia mai, e Ierusalema,+Oe tei inu i te auˈa o te riri rahi tahoo mai roto mai i te rima o Iehova.
Ua inu oe i te auˈa uaina.Ua pau ia oe te auˈa o te haaperetete.+
18 Aita hoê aˈe o te mau tamarii ta ˈna i fanau mai i reira no te aratai ia ˈna,E aita hoê aˈe o te mau tamarii ta ˈna i rave i tapea i to ˈna rima.
19 Ua roohia oe i tera na mea e piti.
O vai te aumauiui ia oe?
Te haamouraa e te faaanoraa, te poia e te ˈoˈe!+
Na vai e tamahanahana ia oe?+
20 Ua matapoirihia ta oe mau tamarii.+
Ua tarava ratou na te mau poro aroâMai te mamoe oviri i roto i te upeˈa.
Ua î ratou i te riri rahi tahoo o Iehova, te tamaˈiraa a to oe Atua.”
21 No reira, a faaroo mai na i teie parau,Oe te vahine i roto i te ati e tei taero, eiaha râ i te uaina.
22 Teie ta to oe Fatu ra o Iehova e parau ra, to oe Atua o te paruru i to ˈna nunaa:
“Inaha, e rave au mai roto mai i to oe rima i te auˈa o te haaperetete,+Te auˈa uaina, ta ˈu auˈa o te riri rahi tahoo.E ore roa oe e inu faahou i te reira.+
23 E tuu vau i te reira i roto i te rima o te feia e haamauiui ia oe,+O tei parau ia oe: ‘A piˈo i raro ia nehenehe matou e haere na nia iho ia oe!’
Faariro ihora ïa oe i to oe tua mai te repo,Mai te tahi aroâ e haere ai ratou na reira.”
Nota i raro i te api
^ Aore ra “ia outou ma te mauiui fanau.”
^ Aore ra “puai.”
^ Aore ra “e faaorehia.”
^ Aore ra “haapiiraa.”
^ Huri-atoa-hia “te tuˈa.”
^ Heb: “i nia iho i to ratou upoo.”
^ Aore ra “te taata tei haaati ia oe.”
^ Aore ra “sabaota.”
