Isaia 62:1-12
-
Iˈoa apî o Ziona (1-12)
62 No Ziona eita vau e mamû noa,+E no Ierusalema eita vau e faaea noaE ia anaana roa ta ˈna parau-tia mai te hoê mori maramarama+E ia ura to ˈna faaoraraa mai te hoê rama.+
2 “E ite te mau nunaa i ta oe parau-tia, e tera vahine e,+E te mau arii atoa i to oe hanahana.+
E e piihia oe i te iˈoa apî,+Ta te vaha iho o Iehova e faataa.
3 E riro oe ei hei upoo nehenehe i roto i te rima o Iehova,Ei taamu upoo arii i roto i te apu rima o to oe Atua.
4 Eita oe e parau-faahou-hia e vahine faaruehia,+E eita to oe fenua e parau-faahou-hia e vahi ano.+
E parauhia râ oe O ˈna to ˈu oaoaraa,+E e parauhia to oe fenua Tei faaipoipo.
E oaoa hoi Iehova ia oe,E e riro to oe fenua mai te hoê vahine faaipoipo.
5 Mai te hoê hoi tane apî e faaipoipo i te hoê tamahine apî,*E faaipoipo ta oe mau tamaiti ia oe.
Mai te oaoa o te hoê tane e faaipoipo ra i te vahine,E oaoa to oe Atua ia oe.+
6 I nia i to oe mau aua, e Ierusalema, ua tuu vau i te feia tiai.
I te po e te ao aita e faaearaa, eiaha ratou ia mamû noa.
Outou e faahiti ra i te parau o Iehova,Eiaha e faafaaea,
7 E eiaha e vaiiho ia ˈna ia faafaaea e ia haamau papu roa oia ia Ierusalema,Oia mau, ia faariro roa oia ia ˈna ei arueraa ati aˈe te fenua nei.”+
8 Ua horeo Iehova ma to ˈna rima atau, ma to ˈna rima puai:
“Eita vau e horoa faahou i ta oe huero maa ei maa na to oe mau enemi,Eita atoa te feia ěê e inu faahou i ta oe uaina apî, ta oe hoi i rohi.+
9 Tera râ, na tei haaputuputu i te huero maa e amu i te reira e e arue ratou ia Iehova.E na tei haaputuputu i te uaina e inu i te reira i roto i to ˈu mau aua moˈa.”+
10 A na roto atu, a na roto atu i te mau uputa i te haere.
A tamâ i te eˈa no te nunaa.+
A hamani, a hamani i te purumu rahi.
Eiaha ei ofai i reira.+
A faatia i te tahi tapao* no te mau nunaa.+
11 Inaha, teie ta Iehova i faaite tae roa i te hopea o te fenua:
“A parau i te tamahine o Ziona:‘A hiˈo na, te tae mai ra to oe faaoraraa.+
Inaha, tei ia ˈna ra ta ˈna haamaitairaa,E tei mua ia ˈna te aufauraa ta ˈna e aufau.’”+
12 E parauhia ratou te nunaa moˈa, te feia hoohia mai e Iehova,+E e piihia oe Tei imihia, e Oire tei ore i faaruehia.+
