Nahuma 1:1-15
1 E poroi teie no nia ia Nineve:+ Te buka o te orama a Nahuma* no Elekosi:
2 E Atua o Iehova o te titau ra ia haamorihia+ o ˈna anaˈe e o te tahoo.E tahoo Iehova e ua ineine i te faaite i to ˈna riri.+
E tahoo Iehova i to ˈna mau enemi,E e tamau to ˈna riri i to ˈna mau enemi.
3 Eita Iehova e riri oioi+ e e puai rahi to ˈna.+Eita roa râ Iehova e vaiiho i tei hapa ma te ore e faautua ˈtu.+
Te haere nei oia na roto i te mataˈi e te vero.E te mau ata, o te repo ïa e puehu ra i to ˈna avae.+
4 E tamaˈi oia i te miti+ e e haamǎrô oia i te reira.E haamǎrô atoa oia i te mau anavai.+
E maemae Basana e Karemela,+E maemae te mau tiare no Lebanona.
5 Te aueue nei te mau mouˈa ia ˈna,E te tahe ra te mau aivi.+
E maraa te fenua i to ˈna aro,Te fenua e te taatoaraa o te parahi ra i nia iho.+
6 O vai te mau i mua i to ˈna inoino?+
O vai te mau i mua i to ˈna riri uˈana?+
E manii to ˈna riri rahi mai te auahi,E e parari te mau mato ia ˈna.
7 Mea maitai o Iehova,+ e haapuraa oia i te mahana ati.+
Mea haapao roa* o ˈna i te feia e imi nei i te haapuraa ia ˈna ra.+
8 Na roto i te hoê pape pue rahi, e haamou oia i to ˈna vahi,*E e tapapa te poiri i to ˈna mau enemi.
9 Eaha ta outou e opua ra i te rave ia Iehova?
E haamouraa papu ta ˈna e faatupu ra.
Eita te ati e tataipiti i te tupu.+
10 Ua tafifi hoi to Nineve mai te raau taratara,E e au ratou i te feia i taero i te pia.*E ama râ ratou mai te aihere mǎrô.
11 No roto mai ia oe e haere mai ai hoê o te opua i te rave i te mea ino ia Iehova,O te horoa i te aˈoraa haapaoraa ore.
12 Teie ta Iehova e parau ra:
“Noa ˈtu mea puai ratou e mea rahi,E taparahihia ratou a pohe* atu ai.
Ua faahaama vau ia oe,* eita râ vau e faahaama faahou ia oe.
13 I teie nei, e vavahi au i te zugo i nia ia oe,+E e tuparari au i ta oe mau ponao.
14 Ua faaue Iehova no oe:*‘Eita to oe iˈoa e vai noa mai.
E faaore au i te mau tii taraihia e tei faatôhia* mai roto mai i te hiero* o to oe mau atua.
E faaineine au i te hoê menema no oe, mea faufaa ore hoi oe.’
15 Tei nia i te mau mouˈa te avae o te tahi taata e hopoi ra i te parau apî oaoa,Te taata o te faaite haere ra i te hau.+
A faatupu i ta oe mau oroa,+ e Iuda, a faatupu i ta oe mau euhe,Eita hoi te taata ino e haere faahou mai i ǒ oe.
E haamouhia oia.”
Nota i raro i te api
^ “Tei tamahanahana” te auraa.
^ Heb: “ite.”
^ Oia hoi Nineve.
^ Aore ra “pia hamanihia i te sitona.”
^ Huri-atoa-hia “haere ê.”
^ Oia hoi Iuda.
^ Oia hoi Asura.
^ Aore ra “faatahehia.”
^ Heb: “fare.”
