Numera 34:1-29
34 Paraparau faahou maira Iehova ia Mose, a na ô ai:
2 “A horoa i teie mau faaueraa i te ati Iseraela: ‘Ia tomo outou i te fenua o Kanaana,+ tera te mau otia+ e tufahia ˈi i te fenua no outou:
3 “‘To outou otia i apatoa, mai te medebara ïa o Zîna na te hiti o Edoma, e to outou otia i apatoa i te pae hitia o te râ, mai te hopea ïa o te miti Avaava.*+
4 E tioi to outou otia i te pae apatoa o te purumu mouˈa o Akarabima,+ a tamau atu ai i Zîna, e a hope atu ai i te pae apatoa o Kadesa-barenea.+ E tae roa te otia i Hazara-adara+ a tamau atu ai i Azemona.
5 E tioi te otia mai Azemona i te tahora o Aiphiti, a hope atu ai i te Miti.*+
6 “‘To outou otia i tooa o te râ, o te miti Rahi* ïa e te hiti o taua miti ra. Tera to outou otia i tooa o te râ.+
7 “‘Teie hoi to outou otia i apatoerau: Mai te miti Rahi e tapao ai outou i to outou otia tae roa i te mouˈa Hora.
8 Mai te mouˈa Hora e tapao ai outou i te otia tae roa i Lebo-hamata,*+ e e hope te otia i Zedada.+
9 E haere roa te otia i Zipherona, a hope atu ai i Hazara-enana.+ Tera ïa to outou otia i apatoerau.
10 “‘I muri iho, e tapao outou ei otia no outou i te pae hitia o te râ mai Hazara-enana tae roa i Sephama.
11 Mai Sephama te otia tae roa i Ribela i te pae hitia o te râ o Aina, e e pou tia ˈtu te otia a na nia ˈtu ai i te taha aivi i te pae hitia o te râ o te miti no Kinereta.*+
12 E haere roa te otia i Ioridana, a hope atu ai i te miti Avaava.+ Tera to outou fenua+ e te mau otia ati aˈe te reira.’”
13 Faaue ihora ïa Mose i te ati Iseraela: “Teie te fenua ta outou e tufa kelero+ ia fatu outou, mai ta Iehova iho â i faaue e horoa no na opu e iva e te afa.
14 Ua rave aˈena te opu o te ati Reubena ia au i te utuafare o to ratou mau metua, te opu o te ati Gada ia au i te utuafare o to ratou mau metua, e te afaraa o te opu o Manase i to ratou tâpû fenua.+
15 Ua rave aˈena na opu e piti e te afa i to ratou tâpû fenua i te pae hitia o te râ o te tuhaa fenua o Ioridana i Ieriko, i te pae o te hitiraa mahana.”+
16 Paraparau faahou maira Iehova ia Mose, a na ô ai:
17 “Teie te iˈoa o te mau tane na ratou e vahi i te fenua no outou ia fatu outou: Eleazara+ te tahuˈa e Iosua+ te tamaiti a Nuna.
18 E e rave outou hoê raatira o te opu tataitahi no te vahi i te fenua ei tâpû fenua no outou.+
19 Teie te iˈoa o taua mau tane ra: no te opu o Iuda,+ o Kaleba+ te tamaiti a Iephune,
20 no te opu o na tamaiti a Simeona,+ o Semuela te tamaiti a Amihuda,
21 no te opu o Beniamina,+ o Elidada te tamaiti a Kiselona,
22 no te opu o na tamaiti a Dana,+ e raatira, o Buki te tamaiti a Iogali,
23 no na tamaiti a Iosepha+ no te opu o na tamaiti a Manase,+ e raatira, o Haniela te tamaiti a Ephoda,
24 no te opu o na tamaiti a Epheraima,+ e raatira, o Kemuela te tamaiti a Siphatana,
25 no te opu o na tamaiti a Zebuluna,+ e raatira, o Elizaphana te tamaiti a Paranaka,
26 no te opu o na tamaiti a Isakara,+ e raatira, o Paletiela te tamaiti a Azana,
27 no te opu o na tamaiti a Asera,+ e raatira, o Ahihuda te tamaiti a Selomi,
28 no te opu o na tamaiti a Naphatali,+ e raatira, o Pedaheli te tamaiti a Amihuda.”
29 Tera te mau tane ta Iehova i faaue e opere i te fenua no te ati Iseraela i te fenua o Kanaana.+
Nota i raro i te api
^ Oia hoi te miti Pohe.
^ Oia hoi te miti Rahi, Mediteranea.
^ Oia hoi Mediteranea.
^ Aore ra “te tomoraa o Hamata.”
^ Oia hoi te roto o Genesareta aore ra te miti o Galilea.
