Salamo 19:1-14
Na te aratai o te feia himene. Salamo a Davida.
19 Te faaite nei te mau raˈi i te hanahana o te Atua.+Te faaite nei te reva* i te ohipa a to ˈna rima.+
2 I te mau mahana atoa, e manii ta ratou parau mai te pape,E i te mau po atoa, e faaite ratou i te ite.
3 Aita ratou e paraparau ra, aita e taˈo.Aita to ratou reo e faaroohia ra.
4 Tera râ, ati aˈe i te fenua nei,I te mau hopea o te fenua e parahihia ra e te taata,* ua atutu ta ratou poroi.+
I te raˈi, ua haamau te Atua i te hoê tiahapa no te mahana.
5 E au oia i te hoê tane faaipoipo apî e haere mai ra i rapae i to ˈna piha.Mea oaoa oia mai te hoê aito e horo ra na nia i te hoê eˈa.
6 Mai te tahi hopea o te raˈi o ˈna ia haere mai,A haere atu ai i te tahi atu hopea o te raˈi.+E aita e mea e ere i to ˈna mahanahana.
7 Mea tia roa te ture a Iehova,+ e haapuai faahou te reira.+
E nehenehe e tiaturi i te haamanaˈoraa a Iehova,+ e noaa i te feia ite ore te paari.+
8 Mea tia te mau faatureraa a Iehova, e oaoa te aau i te reira.+Mea viivii ore te faaueraa a Iehova, e anaana te mata i te reira.+
9 Mea viivii ore te mǎtaˈu ia Iehova,+ e vai te reira e a muri noa ˈtu.
Mea mau te mau haavaraa a Iehova, mea tia anaˈe.+
10 Mea au roa ˈˈe te reira i te auro,I te auro tamâhia e rave rahi,+E mea momona aˈe i te meri,+ te meri e topata mai ra.
11 Maoti te reira to tavini i faaarahia ˈi.+Ma te haapao i te reira, e haamaitairaa rahi to muri.+
12 O vai te nehenehe e ite i te hape?+
A faaore i ta ˈu mau hara ta ˈu i ore i ite.
13 E a tapea i to tavini i te mau ohipa teoteo.+Eiaha te reira ia mana i nia ia ˈu.+
E riro ïa vau ei taata hapa ore,+E o tei ore i rave i te hara rahi.
14 E Iehova, to ˈu Mato+ e to ˈu Faaora,*+ ia mauruuru oe+I te mau parau a to ˈu vaha e te manaˈoraa o to ˈu aau.
Nota i raro i te api
^ Aore ra “te mau raˈi.”
^ Aore ra “fenua ruperupe.”
^ Aore ra “tei hoo mai ia ˈu.”
