Salamo 25:1-22
Salamo a Davida.
א [Alepha]
25 Te fariu nei au ia oe ra, e Iehova.
ב [Beta]
2 To ˈu Atua, te tiaturi nei au ia oe.+Eiaha vau ia haama.+
Eiaha to ˈu mau enemi ia oaoa i to ˈu ati.+
ג [Gimela]
3 Eita roa te feia e tiaturi ia oe e haama,+Ei nia râ i te feia haavarevare te haama.+
ד [Daleta]
4 A faaite mai i to mau eˈa, e Iehova.+A haapii mai i to mau haerea.+
ה [He]
5 A faahaere ia ˈu na to eˈa parau-tia e a haapii mai ia ˈu,+O oe hoi to ˈu Atua faaora.
ו [Vau]
Te tiaturi nei au ia oe i te mahana taatoa.
ז [Zaina]
6 E Iehova, a haamanaˈo i to aroha hamani maitai e to here taiva ore+O ta oe e faaite noa ra.*+
ח [Heta]
7 Eiaha e haamanaˈo i te mau hara o to ˈu apîraa e ta ˈu mau hape.
A haamanaˈo mai ia ˈu ia au i to here taiva ore,+No to maitai e Iehova.+
ט [Teta]
8 Mea maitai e mea afaro Iehova.+
No reira oia e haapii ai i te feia rave hara i te eˈa e rave.+
י [Ioda]
9 E tauturu oia i te feia mǎrû ia rave i te mea tia,*+E e haapii oia i te feia mǎrû i to ˈna eˈa.+
כ [Kapha]
10 E here taiva ore e te haapao maitai anaˈe to Iehova mau haereaNo te feia e haapao ra i ta ˈna faufaa+ e ta ˈna mau haamanaˈoraa.+
ל [Lameda]
11 No to iˈoa, e Iehova,+Noa ˈtu te rahi o ta ˈu hape, a faaore mai i te reira.
מ [Mema]
12 O vai te taata e mǎtaˈu ra ia Iehova?+
E haapii oia ia ˈna i te eˈa ta ˈna e maiti.+
נ [Nuna]
13 E ite oia i te mea maitai,+E e fatu to ˈna huaai i te fenua nei.+
ס [Sameha]
14 Te auhoaraa piri e o Iehova, no te feia ïa e mǎtaˈu ra ia ˈna,+E te faaite ra oia i ta ˈna faufaa ia ratou.+
ע [Oina]
15 Tei nia noa to ˈu mata ia Iehova,+E iriti hoi oia i to ˈu avae mai roto mai i te upeˈa.+
פ [Pe]
16 A fariu mai na ia ˈu nei e a faaite mai i to farii maitai,O vau anaˈe hoi, e aita ta ˈu e tauturu.
צ [Sadi]
17 Te rahi noa ˈtu ra te mau tupuraa ahoaho o to ˈu aau.+A faaora ia ˈu i to ˈu ahoaho.
ר [Resa]
18 A hiˈo mai i to ˈu mauiui e to ˈu ati,+E a faaore i ta ˈu mau hara atoa.+
19 A hiˈo na i te rahiraa o to ˈu mau enemiE to ratou riri uˈana ia ˈu.
ש [Sina]
20 A tiai i to ˈu ora e a faaora ia ˈu.+
Eiaha vau ia haama, te haapu ra hoi au ia oe ra.
ת [Tau]
21 Ia paruru te hapa ore e te afaro ia ˈu,+Tei ia oe ra hoi to ˈu tiaturiraa.+
22 E te Atua e, a faaora* ia Iseraela i to ˈna mau ati atoa.
