I roto i ta raua buka Les Guerres bibliques, teie ta Chaim Herzog, te peretiteni tahito no Iseraela e o Mordechai Gichon, orometua ihipǎpǎ tatuhaahia no te fare haapiiraa teitei i Tel Aviv e parau:

“Aita te mau ravea no te aroraa faahitihia i roto i te Bibilia i te mea hamani-noa-hia. No te haapapu i te reira, e nehenehe e faaau i te aroraa ravehia e Gideona i nia i te ati Midiana e tei turu ia ratou, faahitihia i roto i Te mau tavana i te pene 6 e tae atu i te pene 8, e te tamaˈi no Troie faataahia e Homère i roto i ta ˈna buka Iliade. Te faahiti ra Homère i te hoê vahi i tahatai e te hoê oire tei auahia i te patu, aita râ o ˈna e horoa te tahi atu haamaramaramaraa no nia i teie mau vahi. Mea taa ê ra ta te Bibilia e parau ra no nia i te aroraa ravehia e Gideona. Ua horohia te tahi haamaramaramaraa no nia i te mau ravea aroraa e te vahi i tupu ai i te reira. Na te reira e haapapu e mea tano ta te Bibilia e parau ra.”

E nehenehe oe e ite hau atu â no nia i te aroraa ravehia e Gideona ma te faaohipa i te mau hohoˈa fenua i te api 18 e 19 i roto i te buka rairai “Voyez le bon pays.” a Te na ô ra te aamu: “Amui aˈera te ati Midiana, te ati Amaleka e to hitia o te râ taatoa i ta ratou mau nuu, haere atura i te tahi atu pae o te anavai e tae atura i te peho o Iezereela e puhapa ihora i reira.” Ua ani Gideona i te tahi atu opu ia tauturu ia ˈna. Ua tupu teie aroraa i te pape pihaa i Haroda, i nia te aivi i More e tae atu i roto i te peho Ioridana. I muri aˈe i to ˈna aˈuaˈuraa i te mau enemi na roto i te anavai Ioridana, upootia atura Gideona i nia ia ratou.—Te mau tavana 6:33–8:12.

Te faaite ra te buka rairai “Voyez le bon pays” i te mau vahi matauhia e te huru o te tuhaa fenua i reira. I te api 15, ua faaite-atoa-hia te tahi mau hohoˈa fenua o te vahi i ora ˈi te mau opu tataitahi o te nunaa Iseraela. Na te reira e haapapu e mea tano te aamu Bibilia.

Teie ta te orometua Yohanan Aharoni i parau: “Ia nehenehe oe e taa mai te aha ra te mau vahi faahitihia i roto i te Bibilia e titauhia ia ite oe i te aamu e te mau hohoˈa fenua o taua mau vahi ra.”

[Nota]

[Faaiteraa i te fatu o te hohoˈa]

Hohoˈa fenua: Based on maps copyrighted by Pictorial Archive (Near Eastern History) Est. and Survey of Israel