HAAPIIRAA 28
A faaite i te mauruuru no ta Iehova e Iesu i rave no oe
Eaha to oe huru ia horoa mai te hoê hoa i te hoê ô nehenehe mau na oe? Mea papu e oaoa iho â oe e e hinaaro oe e faaite i to oe mauruuru i to oe hoa no te ô. Ua horoa mai Iehova e Iesu i te hoê ô faahiahia mau no tatou. Eaha ïa teie ô e e nafea tatou e faaite ai i to tatou mauruuru no te reira?
1. Nafea tatou e faaite ai i te mauruuru no ta Iehova e Iesu i rave no tatou?
Te fafau ra te Bibilia “te taata atoa o te faatupu i te faaroo ia [Iesu]” e ora ïa e a muri noa ˈtu. (Ioane 3:16) Eaha te auraa e faatupu i te faaroo? Te auraa ia rave tatou hau atu â i te tiaturi noa ia Iesu. E titau-atoa-hia ia tatou ia faaite i te faaroo na roto i te mau faaotiraa e ohipa ta tatou e rave. (Iakobo 2:17) Ma te na reira, e puai atu â to tatou auhoaraa e o Iesu e to ˈna Metua ra o Iehova.—A taio i te Ioane 14:21.
2. Eaha te oroa taa ê te tauturu ia tatou ia faaite i to tatou mauruuru i ta Iehova e Iesu i rave?
Te po hou oia a pohe ai, ua parau Iesu i ta ˈna mau pǐpǐ no nia i te tahi ravea no te faaite i te mauruuru no to ˈna tusia. Ua parau oia ia ratou ia apiti mai no teie oroa taa ê ta te Bibilia e parau ra “te Amuraa maa a te Fatu,” pii-atoa-hia te Oroa haamanaˈoraa i te pohe o te Mesia. (Korinetia 1, 11:20) Ua hinaaro Iesu ia haamanaˈo ta ˈna mau aposetolo e te mau Kerisetiano mau i muri aˈe, i ta ˈna i rave a horoa ˈi oia i to ˈna ora no tatou. No reira Iesu i faaue ai: “A tamau i te rave i te reira ei manaˈoraa ia ˈu.” (Luka 22:19) Ia apiti oe i te Oroa haamanaˈoraa, e faaite oe i to oe mauruuru no te here rahi ta Iehova e Iesu i faaite no tatou.
A FAAHOHONU ATU Â
A hiˈo te mau ravea no te faaite te here rahi ta Iehova e Iesu i faaite. A haapii no te aha mea faufaa roa te Oroa haamanaˈoraa i te pohe o te Mesia.
3. E turai te mauruuru ia tatou ia ohipa
A feruri na ua paremo oe e na te hoê taata e faaora mai ia oe. E haamoˈe anei oe i ta teie taata i rave no oe aore ra e imi oe i te ravea no te faaite roa ˈtu i to oe mauruuru no ta ˈna i rave mai?
Ua euhe tatou i to tatou ora ia Iehova. A taio i te Ioane 1, 4:8-10, e a aparau i teie mau uiraa:
-
No te aha e ô taa ê te tusia o Iesu?
-
Eaha to oe manaˈo no nia i ta Iehova e Iesu i rave no oe?
Nafea tatou e nehenehe ai e faaite i to tatou mauruuru no ta Iehova e Iesu i rave no tatou? A taio i te Korinetia 2, 5:15 e te Ioane 1, 4:11; 5:3. Ia oti teie mau irava i te taiohia, a aparau i teie uiraa:
-
Ia au i teie mau irava, eaha ta tatou e nehenehe e rave no te faaite i to tatou mauruuru?
4. A pee i te hiˈoraa o Iesu
Te tahi ravea no te faaite i to tatou mauruuru o te peeraa ïa i te hiˈoraa o Iesu. A taio i te Petero 1, 2:21, e a aparau i teie uiraa:
-
Nafea oe e nehenehe ai e pee maite i to Iesu mau taahiraa avae?
Mea au na Iesu i te Parau a te Atua, ua poro oia i te parau apî oaoa e ua tauturu ia vetahi ê
5. A apiti i te Oroa haamanaˈoraa i te pohe o te Mesia
No te ite eaha tei tupu i te oroa matamua o te Amuraa maa a te Fatu, a taio i te Luka 22:14, 19, 20. E a aparau i teie mau uiraa:
-
Eaha tei tupu i te oroa o te Amuraa maa a te Fatu?
-
Te faahohoˈahia ra te pane e te uaina i te aha?—A hiˈo i te mau irava 19 e te 20.
Ua hinaaro Iesu ia faatupu ta ˈna mau pǐpǐ i te oroa o te Amuraa maa a te Fatu hoê taime i te matahiti i te mahana o to ˈna poheraa. No reira te mau Ite no Iehova e putuputu ai hoê taime i te matahiti no te haamanaˈo i te pohe o te Mesia mai ta ˈna i faaue. No te ite hau atu â no nia i teie putuputuraa faufaa roa, a pata i te VIDEO. E a aparau i te uiraa i muri nei.
-
Eaha te ravehia i te Oroa haamanaˈoraa?
Te pane e te uaina. Te faahohoˈahia ra te pane i te tino taata tia roa o Iesu ta ˈna i horoa no tatou. Te faahohoˈahia ra te uaina i to ˈna toto
TE MANAˈO O VETAHI: “Tera noa ta oe e nehenehe e rave no te ora mai, te tiaturiraa ia Iesu.”
-
Nafea oe e faaohipa ˈi i te Ioane 3:16 e te Iakobo 2:17 no te faaite mea titauhia hau atu â i te tiaturi noa ia Iesu?
HAAPOTORAA
E faaite tatou i te mauruuru no ta Iesu i rave no tatou ma te faatupu i te faaroo ia ˈna e ma te apiti i te Oroa haamanaˈoraa o to ˈna poheraa.
Haamanaˈoraa
-
Eaha te auraa ia faatupu i te faaroo ia Iesu?
-
Nafea oe e nehenehe ai e faaite i to oe mauruuru no ta Iehova e Iesu i rave no oe?
-
No te aha mea faufaa roa ia apiti i te Oroa haamanaˈoraa i te pohe o te Mesia?
HIˈOPOA
E turai te pohe o te Mesia ia tatou ia rave i te aha?
Ua faaohipa oia i to ˈna tino no te faahanahana ia Iehova (9:28)
A haapii hau atu â no nia i te faaroo e e nafea tatou e nehenehe ai e faatupu i te reira.
“A faatupu i to oe faaroo i ta Iehova i fafau” (Te Pare Tiairaa Atopa 2016)
I roto i te aamu “I teie nei, e manaˈo haava mâ to ˈu, e oraraa papu e te oaoa,” a hiˈo mea nafea te tusia o te Mesia i ohipa ˈi i nia i te oraraa o te hoê vahine.
“Ua taui te Bibilia i to ˈu oraraa” (Tumu parau o Te Pare Tiairaa)
A hiˈo no te aha mea iti roa te rave i te pane e te uaina i te Oroa haamanaˈoraa.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
