HAAPIIRAA 55
A turu i ta oe amuiraa
Ati aˈe te ao nei, e mirioni taata te oaoa nei i te tavini ia Iehova i roto i na tausani amuiraa. Te mauruuru rahi nei ratou i te mau faaueraa e aratairaa ta ratou e fanaˈo ra, e te tiai ru nei ratou no te turu i te amuiraa i roto e rave rahi tupuraa. Tera anei to oe manaˈo no ta oe amuiraa?
1. Eaha te tahi mau tupuraa e nehenehe ai oe e horoa i to oe taime e to oe puai no te turu i te amuiraa?
E nehenehe tatou paatoa e horoa i te rima tauturu i roto i te amuiraa. Ei hiˈoraa, te vai ra anei i roto i ta oe amuiraa te tahi ruhiruhia aore ra tei maˈihia? E nehenehe anei ta oe e tauturu ia ratou no te afai mai i te mau putuputuraa aore ra e nehenehe anei oe e tauturu ia ratou ma te hoo mai i te tahi mea na ratou aore ra ma te tamâ i ǒ ratou? (A taio i te Iakobo 1:27.) E nehenehe atoa tatou e horoa i te rima tauturu no te tamâ e atuatu i ta tatou Piha a te Basileia. Aita hoê aˈe taata e faahepo ra ia tatou ia rave i teie mau ohipa. E turai te here no te Atua e no to tatou mau taeae ia “pûpû . . . ia [tatou] iho ma te aau tae.”—Salamo 110:3.
E nehenehe te mau Ite bapetizohia e turu i te amuiraa na roto i te tahi atu mau ravea. E nehenehe te mau taeae tei faaî i te mau titauraa e riro mai ei tavini tauturu e i muri mai ei matahiapo. E nehenehe te mau taeae e tuahine e turu i te ohipa pororaa ei pionie. E tauturu te tahi atu mau Ite ma te turu i te ohipa paturaa aore ra ma te haere i roto i te tahi atu amuiraa e hinaarohia te tauturu.
2. Nafea tatou e faaohipa ˈi i ta tatou mau faufaa no te turu i te amuiraa?
E nehenehe tatou e “faahanahana ia Iehova i ta [tatou] mau faufaa.” (Maseli 3:9) E oaoa tatou i te horoa i te moni e te tahi mau faufaa no te turu i ta tatou iho amuiraa e te ohipa pororaa na te ao nei. (A taio i te Korinetia 2, 9:7.) E faaohipa-atoa-hia ta tatou mau ô no te mau ati natura. E faaoti e rave rahi ‘e tuu tamau i te hiti’ i te hoê ô. (A taio i te Korinetia 1, 16:2.) E nehenehe tatou e tuu i roto i te afata ô i roto i ta tatou amuiraa aore ra e tuu i nia i te reni natiraa donate.dan124.com. E horoa mai Iehova i te ravea ia faaite tatou i te here ia ˈna na roto i te faaohiparaa i ta tatou mau faufaa.
A FAAHOHONU ATU Â
A hiˈo i te tahi mau ravea e nehenehe ai outou e turu i te amuiraa.
3. E nehenehe tatou e faaohipa i ta tatou mau faufaa
Mea au na Iehova e na Iesu i te feia e horoa ra ma te oaoa. Ei hiˈoraa, ua tapao Iesu i ta te hoê vahine ivi veve e ta ˈna tutavaraa no te horoa i te hoê ô. A taio i te Luka 21:1-4, e a aparau i teie mau uiraa:
-
E titauhia anei ia horoa rahi tatou i te moni no te faaoaoa ia Iehova?
-
Eaha to Iehova e to Iesu manaˈo no nia i ta tatou mau ô horoahia ma te aau tae?
No te ite e nafea ta tatou mau ô e faaohipahia ˈi, a pata i te VIDEO. E a aparau i te uiraa i muri nei.
-
Nafea te mau amuiraa ati aˈe te ao e fanaˈo ai i te mau ô?
4. E nehenehe tatou e horoa i to tatou taime no te tauturu
I tahito ra, ua ohipa te feia haamori ia Iehova ma te itoito rahi no te atuatu i ta ratou vahi haamoriraa. E titauhia râ hau atu â i te horoa-noa-raa i te moni. A taio i te Paraleipomeno 2, 34:9-11, e a aparau i teie uiraa:
-
Mea nafea te mau Iseraela tataitahi i te tautururaa no te haapao maitai i te fare o Iehova aore ra te vahi haamoriraa?
No te ite nafea te mau Ite no Iehova e pee ai i teie hiˈoraa, a pata i te VIDEO. E a aparau i te mau uiraa i muri nei.
-
No te aha mea faufaa ia tamau tatou i te tamâ e i te tataî maitai i ta tatou Piha a te Basileia?
-
Eaha te tahi mau tuhaa ta oe e nehenehe e tauturu?
5. E nehenehe te mau taeae e faaî i te mau titauraa no te amo i te tahi atu mau hopoia
Te faaitoito ra te mau Papai i te mau tane Kerisetiano ia rave i tei maraa ia ratou no te turu i te amuiraa. No te ite i te tahi hiˈoraa, a pata i te VIDEO. E a pahono i te uiraa i muri nei.
-
I roto i te video, mea nafea o Ryan i te imiraa i te ravea no te turu hau atu â i te amuiraa?
Te faataa ra te Bibilia eaha te mau titauraa no te mau tavini tauturu e te mau matahiapo. A taio i te Timoteo 1, 3:1-13, e a aparau i teie mau uiraa:
E ANI PAHA VETAHI: “E nafea te mau Ite no Iehova e turu ai i ta ratou ohipa i te pae o te moni?”
-
Eaha ta oe e pahono?
HAAPOTORAA
E mauruuru rahi Iehova i ta tatou mau tutavaraa no te turu i te amuiraa ma te faaohipa i to tatou taime, to tatou puai e ta tatou mau faufaa.
Haamanaˈoraa
-
Nafea tatou e faaohipa ˈi i to tatou taime e puai no te turu i te amuiraa?
-
Nafea tatou e faaohipa ˈi i ta tatou mau faufaa no te turu i te amuiraa?
-
I roto i teihea tuhaa e hinaaro ai outou e turu i te amuiraa?
HIˈOPOA
A hiˈo no te aha aita te Atua e titau ra i ta ˈna mau tavini i te tuhaa ahuru.
“Eaha ta te Bibilia e parau ra no nia i te tuhaa ahuru?” (Tumu parau natirara)
A haapii eaha te auraa ‘titau i te hopoia’ i roto i te amuiraa.
“Eaha te hopoia a te mau matahiapo i roto i te amuiraa?” (Te Pare Tiairaa Fepuare 2021)
A hiˈo i te itoito o te tahi mau Ite no Iehova tei rave i te haapaeraa rahi no te afai i te mau papai i to ratou mau taeae e tuahine.
A hiˈo te taa-ê-raa i roto i te tururaa i ta tatou ohipa i te pae moni i te tahi atu mau haapaoraa.
“Nafea e aufauhia ˈi te haamâuˈaraa o te ohipa a te mau Ite no Iehova?” (Tumu parau natirara)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
