Te hinaaro ra Iehova ia tavini tatou ia ˈna no to tatou here ia ˈna. (Mt 22:37, 38) Na teie here e tauturu i te piahi Bibilia ia rave i te mau tauiraa i roto i to ˈna oraraa e ia mau papu noa ˈtu te mau fifi. (Io1 5:3) No to ˈna here ia Iehova e faaoti ai te piahi ia bapetizohia o ˈna.

A tauturu i te piahi ia ite e te here ra te Atua ia ˈna. A ui atu: “Eaha ta te reira e haapii ra ia oe no nia ia Iehova?” aore ra “E nafea te reira e faaite ai i te here o Iehova no oe?” A tauturu ia ˈna ia ite e mea nafea Iehova i te tautururaa ia ˈna. (Pa2 16:9) A faahiti atu i te tahi mau tupuraa i pahono ai Iehova i ta oe mau pure e a faaitoito ia ˈna ia hiˈo e nafea Iehova e pahono ai i ta ˈna mau pure. Auê te oaoa ia ite tatou i te mau piahi o tei ite i te here o Iehova e o te faaite atoa i to ratou here ia ˈna a riro atu ai ei hoa no ˈna!

A MATAITAI I TE VIDEO A TAUTURU I TE PIAHI BIBILIA IA: FAATUPU I TE AUHOARAA E O IEHOVA E A PAHONO I TEIE MAU UIRAA:

• Eaha te fifi ta Jade i farerei?

• Mea nafea to Nita tautururaa ia Jade?

• Mea nafea Jade i te faaoromairaa i teie fifi?