Te hoê taata o te faataime, e faanuu noa o ˈna i te taime e rave ai o ˈna i te tahi ohipa te titauhia ia ˈna ia rave i tera iho â taime. E ere roa ˈtu râ tera te huru o Iehu a faaue ai Iehova ia ˈna ia haapohe i te utuafare o Ahaba. (Ar2 9:6, 7, 16) E parau vetahi: “E tiai paha vau hoê aore ra e piti aˈe matahiti no te bapetizo ia ˈu.” “Te opua nei au e haamata i te taio i te Bibilia i te mau mahana atoa.” “E rave au i te taviniraa pionie, ia noaa mai ia ˈu te hoê ohipa maitai aˈe.” E nehenehe te Bibilia e tauturu ia tatou ia haapae i te faataimeraa i roto i te mau tuhaa atoa o ta tatou haamoriraa.

E nafea teie mau irava e tauturu ai ia tatou ia haapae i te faataimeraa?

• Koh 5:4

• Koh 11:4

• Ko1 7:29-31

• Iak 4:13, 14