Faufaa roa ˈtu â i te huru o te reva

TE VAI ra fatata ta te mau nunaa atoa te mau parau paari no nia i te huru o te reva: raˈi uteute i te po, e oaoa te ihitai; raˈi uteute i te poipoi, e vai ara te ihitai. I teie mahana te horoa ra te feia hiˈopoa meteo i te mau tumu o te huru o te reva mai ta te parau paari e faahiti ra.

I te tau o Iesu, e peu matau atoa na te taata i te hiˈopoa i te raˈi e i te tatara i to ˈna hohoˈa. Ua parau Iesu i te tahi mau ati Iuda: “Ia tae i te ahiahi ra, te parau na outou e, E riro i te raumai, e raˈi uraura. E ia poipoi ra, e verohia auanei; te uraura nei hoi te raˈi e te rumaruma. E te mau haavare e, te ite na outou i te hiˈo i te huru o te raˈi, aita râ . . . ” Aita râ te aha? Ua faahiti Iesu i teie parau huru ê: “Aita râ outou e ite i te mau tapao o teie nei anotau.”—Mataio 16:2, 3.

Eaha teie “mau tapao o teie nei anotau”? E rave rahi faataaraa maramarama e o Iesu te Mesia mau i tonohia mai e te Atua. Mea taa-maitai-hia ta ˈna mau ohipa mai te uteute o te raˈi. Tera râ, aita te rahiraa o te mau ati Iuda i tâuˈa i te mau tapao o tei faaite e ua tae mai te Mesia—papu maitai te hoê tupuraa faufaa ˈtu â i te huru o te reva.

Oia atoa i teie mahana, te vai ra te hoê tapao e mea faufaa roa ˈtu â ia taa i te ǔ o te raˈi. Ua tohu Iesu e e haamouhia teie ao ino ia nehenehe te hoê ao maitai aˈe e haamata. Ua faahiti o ˈna i te tahi mau tupuraa o te faaite afea teie mau tauiraa e tupu ai. To roto ïa te mau tamaˈi e te mau oˈe i te ao nei. Ua parau Iesu e ia itehia teie mau mea, ua fatata ïa te Atua i te ohipa mai.—Mataio 24:3-21.

Te ite ra anei outou i “te mau tapao o teie nei anotau”?