Ati e faatupu i te tiaturiraa

“E tupu te ati rahi i taua anotau hopea nei.”—TIMOTEO 2, 3:1.

UA FAAROO aore ra ua ite anei oe i te tahi o teie mau tupuraa peapea?

● E ahuru taata tei pohe i te hoê maˈi ino mau.

● Ua haapohe te oˈe e hanere taata.

● E tausani taata tei pohe i te hoê aueueraa fenua e mea rahi atu â aita e fare faahou.

I to muri nei mau api, e ite faahou oe i te tahi mau tupuraa peapea mai teie. E ite atoa oe e ua tohu te Bibilia i te reira no tei parauhia te “anotau hopea.” a

E hiˈo na mua tatou i teie mau ati. E ere râ te fa o teie mau tumu parau i te haapapuraa ˈtu e te ora nei tatou i roto i te hoê ao arepurepu. Ua faaineinehia te reira ia noaa ia oe te tiaturiraa. E faaite teie mau tumu parau e ua fatata te “anotau hopea” i te hope, te tupu nei hoi na parau tohu e ono. E hiˈopoa atoa teie anairaa i te tahi mau parau faaroo-pinepine-hia e patoi ra i te reira e e horoa mai i te tumu papu e tiaturi ai e e tau maitai aˈe to mua noa mai.

[Nota i raro i te api]