Библиядан номчаан чүүлдү эки билип алырда, шинчилел кылыр аңгы-аңгы херекселдерни ажыглап болур бис. Бистиң сорулгавыс фактылар чыырындан чугула. Иеговага ынакшылывыс быжыгып турзун деп күзээр болгаш, номчуттунган санында-ла, кайгамчык Бурганывыстың дугайында чаа билигни тып алыры биске чугула. Ынчангаш: «Бо библейжи үзүндүден Иегованың дугайында чүнү билип алдым?» — деп боданып көрүңер.

Иегова ынакшылын, мерген угаанын, чөптүг чоруун, күжүн канчаар илереткенин кичээнгейге ап болур бис. Ооң шынарлары дөрт кол шынарындан хөй. Иегованың кайгамчыктыг шынарларының дугайында оон хөйнү кайыын билип ап болурул?

Бурганның 50 хире шынарларын «Индекс публикаций Сторожевой башни» дептерде чыып каан. Баштай «Иегова» деп эгени, оон «Качества по отдельности» деп биче эгени ажыдыптыңар. Библейжи үзүндүнү номчааш, бо таварылгада Иегованың кандыг шынары илерээнин бодангаш, ону шинчилеңер. (Силерде чүгле «Путеводитель по публикациям Свидетелей Иеговы» деп ном бар болза, «Бог Иегова» деп эгени, ооң соонда «Качества» деп биче эгени ажыдып алыңар.)