Библияны номчуп шинчилээш, бодувуска үнелиг бодалдарны тып ап болур бис. Бурганның Сөзүн номчууру биске оон-даа ажыктыг болурунга чүнү кылып болур?

Ханы шинчилеңер. Бичии кезектерже кичээнгейни салыңар. Чижээ, кым, кажан, кандыг байдалдарда ол үзүндүнү бижээнин тодарадып алыңар. Кымга бижээн? Ында бижээн болуушкуннарның мурнунда, соонда чүү болуп турган?

Чүнү өөренип ап болурун боданыңар. Бодуңарга мындыг айтырыгларны салыңар: «Номчааным улус чүнү миннип турган? Кандыг шынарларлыг, аажы-чаңныг чораан? Кандыг шынарларны сайзырадыр мен, а кандыызындан оваарныр мен база чүге?»

Билиглериңерни суртаалга, хүн бүрүде чуртталгага ажыглаңар. Ынчан Иисустуң чугаалаан чүүлүн билип каар силер: «Ынчалдыр күүседип чоруур болзуңарза, амыр-чыргалдыг болур силер» (Ин. 13:17).

• Сүме: ажыл хүнүнде чыыштың «Бурганның Сөзүнден эртинелер» деп кезээ билиглерни амыдыралга ажыглаарынче угланганын кичээнгейге алыңар. Ында хынаныр, боданыр айтырыглар база шилиттинген чуруктар бар. Ол бүгү чүүл материалды оон-даа эки шиңгээдип алырынга биске дузалап турар.