Бурганның өңнүү болур дизиңзе, Ооң дугайында билип алыр ужурлуг сен. Сээң өңнүктериң адыңны билирлер бе, адыңны адаарлар бе? Ынчанмайн. Бурганның адын билип алгаш, адап чорууруңну Ол күзеп турар. Бурганның ады — Иегова (Түңнел 15:3; Матфейден 6:9). Оон ыңай, Бурганга чүү тааржырын болгаш чүү таарышпазын билип алыры сеңээ чогуур. Ооң өңнүктерин болгаш удурланыкчыларын билип алыр ужурлуг сен. Кымны-даа билип алырынга үе херек. Иегова-биле таныжып алырда, үени тускайлап алырга эки деп Библия сүмелээн (Ефесчилерге 5:15, 16).

Бурганның өңнүктери Аңаа тааржыр чүүлдерни кылыр. Бодуң өңнүктериңни бодап көрем. Оларның-биле багай харылзажып, оларның таарзынмас чүүлдерин кылыр болзуңза, олар сээң өңнүктериң болуп артар бе? Чок, болбайн. Бурганның өңнүү болур дизиңзе, Аңаа тааржыр чүүлдерни кылыр ужурлуг сен (Иоанндан 4:24).

Шупту-ла шажыннар Бурган-биле өңнүктештирбейн турар. Иисус — дээрге Бурганның эң чоок өңнүү. Ол ийи орук дугайында чугаалаан. Бирги орук — калбак, хөй кижилер ында бар. Ол орук өлүмче апаар. Өске орук — чиңге, эвээш кижилер ында бар. Ол орук мөңге чуртталгага чедирер. Ынчангаш Бурган-биле өңнүктежириңде, Аңаа шын чүдүүрүн билип алыр ужурлуг сен (Матфейден 7:13, 14).