Библиядан үзүндүнү чүү дээш номчуур деп турарыңны тодарадып ал. Кандыг бодалче айтыр деп турарыңны дыңнакчыларың билип каар кылдыр, библейжи шүлүктерни номчуурунуң мурнунда киирилде сөстерни чугаала.

Библия — бүзүрелге төлептиг ном деп көргүс. Бурганга бүзүрээр улус-биле чугаалажып тургаш, Библияны Бурганның Сөзү деп ада. Ынчалдыр ону Бурганның мерген угаанын ажыдып турар ном деп көргүзер сен.

Библияга улустуң сонуургалын оттур. Библияда харыызы бар айтырыгны салывыт; шиитпири библейжи шүлүкте бар кандыг-бир проблеманың дугайында чугаала азы библейжи үзүндүнүң ачызында билдинип кээр дүрүмнү сагындырывыт.