КИЧЭЭЛ 05
Библия — Бургандан медээ
Библия — 66 номдан тургустунган Бурганның биске кайгамчык белээ. «Библия канчаар тыптып келген? Ооң автору кымыл?» деп, айтырар чадавас силер. Ол айтырыгларның харыызын бо кичээлден билип алыр силер.
1. Библияны кижилер бижээн болза, ону чүге Бурганның Сөзү дээрил?
Библияны 1600 чыл дургузунда (б. э. чедир 1513 чылдан б. э. 98 чылга чедир) 40 хире кижи бижээн. Ындыг-даа болза, ооң номнары аразында сырый харылзаалыг. Чүге дизе, Библияның Автору — Бурган. (Номчуптуңар: 1 Фессалоникчилерге 2:13.) Ында бижээн бүгү чүүл «улусту дамчыштыр Бургандан кээп турган, а ол улус Ыдыктыг Сүлдеге башкарткаш, чугаалап чораан» a (2 Пётр 1:21). Бурган кижилерге ыдыктыг сүлдезин бергеш, Бодунуң бодалдарын бижидип каан (2 Тимофейге 3:16).
2. Библияны кижи бүрүзү номчуур аргалыг бе?
«Янзы-бүрү дылдарлыг сөөк-язы, аймак-чоннар» Библиядан буянныг медээни билип ап болур. (Номчуптуңар: Ажыдыышкын 14:6.) Библия кандыг-даа номдан артык хөй дылдарда бар боор кылдыр Бурган сагыш човаан. Ынчангаш кайда-даа чурттап чоруур, кандыг-даа дылдыг кижи Библияны номчуур аргалыг.
3. Иегова Библияны канчаар кадагалааныл?
Библия үр шыгжаттынмас кеш азы папирус дээн ышкаш материалдарга бижиттинген. Ынчалза-даа Библияга ынак улус ону кызымаккай дүжүрүп бижип чораан. Эрге-чагыргалар болгаш шажын башкарыкчылары ону узуткаарын оралдажып турда, Библияны үнелээр улус ону камгалаар дээш, амы-тынын безин артынга каап турган. Иегова бистиң-биле харылзажырынга шаптыктаарын кымга-даа, чүге-даа чөпшээревээн. Библияда: «Бурганывыстың аазаан сөзү кезээ мөңгеде турар» — дээн (Исайя 40:8).
ХАНЫ ШИНЧИЛЕҢЕР
Бурган Библияның бижикчилерин канчаар сорук кииргенин база кижи-төрелгетенге ону канчаар хумагалап бергенин билип алыр силер.
4. Авторунуң дугайында Библия чугаалап турар
ВИДЕОНУ көрүңер. Оон 2 Тимофейге 3:16-ны номчааш, айтырыгларга харыылаптыңар:
-
Библияны кижилер бижээн болза, ону чүге Бурганның Сөзү дээрил?
-
Бурган Библияны бижээн улуска бодалдарын дамчыдып турган деп чүүлге бүзүрээри шын бе?
Чагааны секретарь бижизе-даа, ону адап берип турар кижи автору болур. Ооң-биле дөмей, Библияны кижилер бижээн-даа болза, ында бижээн медээ Бургандан
5. Библияны узуткаары болдунмаан
Бурган Библияны бистиң үеге чедир кадагалаан. Эрге-чагыргалыг улус Библияны узуткаарын оралдашкан, а шажын башкарыкчылары бөдүүн чонга ону өөренирин хоруп турган. Удурланыышкыннар турза-даа, чамдык улус Библияны камгалаар дээш, амы-тынын бээринге белен турган. Ындыг улустуң бирээзин билип алыр дээш, ВИДЕОНУ көргеш, айтырыгга харыылаптыңар:
-
Библияны камгалаар дээш, кайы хире хөй күжениишкиннер үндүргенин көргеш, ону оон-даа эки номчуур күзелиңер тыптып кээр-дир бе? Тайылбырлаптыңар.
Ырлар 118:97-ни номчааш, харыылаптыңар:
-
Амы-тынын безин хайыралавайн, Библияны очулдуруп, тарадырынче улусту чүү оттуруп турганыл?
6. Шупту улуска ном
Библия — бүгү төөгү дургузунда эң нептереңгей болгаш хөй дылдарже очулдуртунуп турар ном-дур. Ажыл-чорудулга 10:34, 35-ти номчааш, харыылаптыңар:
-
Бодунуң медээзи ол хире хөй дылдарга турар кылдыр Бурган чүге күзээн?
-
Библиядан билип алган билиглериңерден силерге чүү эң солун болду?
Барык
100%
Черниң чурттакчылары
Библияны билир дылынга номчуп болур
Библия
3 000
ажыг дылда очулдуртунган
(бүдүнү-биле азы кезектери-биле)
5 000 000 000
Парлаттынган Библияның тиражы
кандыг-даа номну ажып турар
ЧАМДЫК УЛУС МЫНЧА ДЕП БОЛУР: «Библия дээрге анаа кижилер бижип каан шаандагы ном ышкажыл».
-
Силер чүү деп бодаар силер?
-
Библия — Бурганның Сөзү деп кандыг бадыткалдар бар?
КОЛ БОДАЛ
Библия — Бурганның Сөзү, ынчангаш ону шупту улус номчуур аргалыг боор кылдыр Бурган сагыш човаан.
Катаптаашкын
-
Библияны кижилер бижээн болза, ону чүге Бурганның Сөзү дээнил?
-
Библияның төөгүзү силерге чүзү-биле кайгамчык-тыр: хөй дылдарже очулдурганы, кайы хире хөй экземплярга парлааны?
-
Иегова силер-биле харылзажыр дээш, кайы хире хөйнү кылганын билип алгаш, чүнү миннир-дир силер?
НЕМЕЛДЕ
Бурунгу бижиктеринден тура амгы үениң очулгаларынга чедир Библияның төөгүзүн номчуңар.
«Библия бистиң хүннеривиске чедир канчаар кадагалаттынган?» («Оттуп келиңер!» ноябрь, 2007 чыл)
Үш улуг айыыл турда безин, Библия амгы үеге чедир канчаар артканын номчуп көрүңер.
«Библия. Ол бистиң үевиске чедир канчаар кадагалаттынган?» («Таңныыл суургазы» № 4, 2016 чыл)
Библияны очулдуруп чораан кижилер кандыг бергелерге таваржып турганын көрүңер.
Библияны хөй катап дүжүрүп бижип, очулдуруп турган. Бижилгениң утказы ол хевээр арткан деп чүге чигзинмес бис?
«Библияда өскерлиишкиннер азы частырыглар бар бе?» (веб-статья)
a Ыдыктыг сүлде дээрге Бурганның хөделдирикчи күжү деп 7-ги кичээлге көөр бис.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
