Чер-черлерде улустуң арагага хамаарылгазы аңгы-аңгы. Чамдык улус араганы дыштанып, хөглеп ижер, а өске улус шуут ишпес. Өй-хемчээл чок ижер улус база турар. А Библия арагага хамаарыштыр чүү деп турарыл?

1. Библия арага ижерин хоруп турар бе?

Чок, харын-даа Бурганның белектериниң аразынче арага база кирип турар. Библияда: «Кижиниң сеткил-хөңнүн хөгледир арага» дугайында чугаалаан (Ырлар 103:14, 15). Бурганга шынчы эр-херээжен улус араганы ижер чораан деп ында бижээн (1 Тимофейге 5:23).

2. Арагага хамаарыштыр Бижилгеде кандыг оваарындырыг бар?

Иегова арагалаашкынны-даа, өй чок арага ижерин-даа хоруп турар (Галатчыларга 5:21). Бурганның Сөзүнде: «Эзиртир арагалаар... улус аразынга турба» — деп сүмелээн (Чугаалар 23:20). Арага ижерде чүнү сактыры чугула? Аксы-сөзүн болгаш бодун туттунуп шыдавайн баар кылдыр арага ижери шын эвес, ол кадыкшылга база хоралыг. Өйүн сагыыры берге болза, оон шуут ойталааны дээре.

3. Өске улустуң шиитпирин канчаар хүндүлээр?

Кижи бүрүзү араганы ижер-ишпезин боду шиитпирлээр. Араганы өйлүг ижип турар улусту шүгүмчүлээн ажыы чок. Ынчалза-даа өске улуска арага сыгап болбас (Римчилерге 14:10). Сээң арага ижип турарың өске кижиге бергелер тургузар болза, ону ишпээни дээре. (Номчуптуңар: Римчилерге 14:21.) Бодунуң эвес, а «өске улустуң ажык-дүжүү дээш» сагыш човаары чугула. (Номчуптуңар: 1 Коринфичилерге 10:23, 24).

 ХАНЫ ШИНЧИЛЕҢЕР

4. Ижер-ишпезин шиитпирлеп алыңар

Иисустуң арагага хамаарылгазы кандыг турган? Иоанн 2:1—11-ден ооң кылган хуулгаазынын номчааш, харыылаптыңар:

• Бо төөгүден алырга, Иисустуң арагага болгаш ону ижеринге хамаарылгазы кандыг турган-дыр?

• Иисус араганы өйлүг ижерин хоруваан болганда, ону ижип турар акы-угбаларга хамаарылгавыс кандыг болур ужурлуг?

Араганы өйлүг ижип болур-даа болза, чамдыкта ону ишпези чугула. Чугаалар 22:3-тү номчааш, дараазында байдалдарда араганы ижип болур-болбазын боданып көрүңер:

• Машина мунар азы өске техника-биле ажылдаар апарзыңарза;

• иштиг болзуңарза;

• эмчи арага ишпезин сүмелээнде;

• араганы кайы хире ижерин өйлээри берге болза;

• арага ижерин хоойлуда хоруп каан болза;

• арагадан арай деп адырлып алган кижи-биле кады чорзуңарза.

Анаа шайлаашкынга азы куда-дойга арага кудуп болур бе? Ону шиитпирлээринге дузалаар ВИДЕОНУ көрүңер.

Римчилерге 13:13 биле 1 Коринфичилерге 10:31, 32-ни номчааш, айтырыгга харыылаптыңар:

• Иегованы өөртүр шиитпир үндүреринге, бо дүрүм силерге канчаар дузалаар?

 5. Кайы хирени ижерин өйлеп алыңар

Иегова араганы ижерин хоруваан-даа болза, эзиртир ижерин хоруп турар. Чүге? Осия 4:11, 18-ти номчааш, харыылаптыңар:

• Кижи араганы эмин эртир ижер болза канчап баарыл?

Араганы канчаар эзиртир ишпезил? Бодунга идегээри шын эвес, өйүн билири чугула. Чугаалар 11:2-ни номчааш, харыылаптыңар:

• Кайы хире ижерин өйлеп алыры чүге ажыктыг?

6. Арагадан канчаар адырлып ап болур?

 КОЛ БОДАЛ

Иегова араганы сеткил-хөңнүн хөгледир кылдыр берген. Ынчалза-даа арагалаашкынны, өй чок ижерин хоруп турар.

Катаптаашкын

• Арагага хамаарыштыр Библияда чүү деп бижээн?

• Араганы өй чок ижери чүге айыылдыгыл?

• Арагага хамаарыштыр өске улустуң шиитпирлерин чүге хүндүлээр болза эки?