03-кү КИЧЭЭЛ
Библияга бүзүреп болур бе?
Библияда бижээн ажыктыг сүмелер болгаш аазаашкыннар силерге солун боор чадавас. Ынчалза-даа бурунгу үеде-ле бижиттинген номга бүзүреп болур бе? Ооң сүмелери ажыктыг боор бе? Ында аазаашкыннар күүсеттинер бе? Дыка хөй кижилер аңаа чигзинмейн турар. Дараазында барымдааларны көрээлиңер.
1. Библияда — тоолчургу чугаалар бе азы алыс шын бе?
Библияда «шынның сөстерин» бижээн деп, ол боду-ла бадыткап турар (Экклесиаст 12:10). Ында херек кырында чурттап чораан кижилер-биле болган болуушкуннарны бижээн. (Номчуптуңар: Лука 1:3; 3:1, 2.) Библияда бижээн болуушкуннар, үелер, кижилер болгаш черлерниң ылаптыын хөй археологтар болгаш төөгүчүлер бадыткап турар.
2. Библияны эргижиревээн деп чүге чугаалап болурул?
Амгы үеде бадыткаттынган чүүлдерни Библияда шагда-ла бижип каан турган. Ында чамдык эртем фактылары бурунгу үеде чурттап чораан кижилерниң көрүжүнге чөрүшкек турган. А амгы үениң эртем-шинчилелдери Библияның ылап шынныын бадыткап турар. Ооң сөстери «кезээ мөңгеде доктааттынган, алыс шын» (Ырлар 110:8).
3. Библияда келир үе дугайында бижээн чүүлге чүге бүзүреп болур?
Библияда «ам-даа болбаан чүве дугайында» өттүр билип медеглээн a (Исайя 46:10). Ында төөгүде болуп турган болуушкуннардан аңгыда, амгы үениң дугайында база тодаргай бижээн. Бо кичээлге ол өттүр билген медеглелдерниң чамдыызын көөр бис. Олар ылаптыы-биле күүсеттинип турар!
ХАНЫ ШИНЧИЛЕҢЕР
Библияда медээлерни амгы үеде бадыткаттынган эртем фактылары-биле деңнептиңер. База элээн каш солун өттүр билген медеглелдерни сайгарып көрүңер.
4. Библия эртем талазы-биле дүгжүп турар
Бурунгу үеде хөй улус черни бир-ле чүве кырында турар деп бүзүреп чораан. ВИДЕОНУ көрүңер.
Библияда 3 500 хире чыл бурунгаар бижээн чүүлче кичээнгейни салыңар. Иов 26:7-ни номчааш, харыылаптыңар:
-
Черни «куруг хоска азып каан» деп библейжи бадыткал чүзү-биле онзагайыл?
Кижилер бойдуста сугнуң эргилдезин чүгле XIX векте билип каан. Аңаа хамаарыштыр Библияда муң-муң чылдар бурунгаар-ла чүнү бижээнин көрүңер. Иов 36:27, 28-ти номчааш, харыылаптыңар:
-
Бойдуста сугнуң эргилдезин мынчаар бөдүүн кылдыр бижээни чүзү-биле онзагайыл?
-
Номчаан шүлүктериңер Библияга бүзүрелиңерни быжыктырар-дыр бе?
5. Делегейде болуп турар чугула болуушкуннарны Библияда өттүр билип медеглеп каан
Исайя 44:27—45:2-ни номчааш, харыылаптыңар:
-
Вавилоннуң эжелеттирип алырының дугайында 200 чыл бурунгаар-ла Библияга чүү деп бижээнил?
Б. э. чедир b 539 чылда Персияның хааны Кир аг-шерии-биле Вавилонну эжелеп алган деп, төөгү бадыткап турар. Олар хоорайны камгалап турган хемниң суун өскээр чайыпкаш, ажык хаалгадан киргеш, ону тулчуушкун чокка эжелеп алганнар. Оон бээр 2 500 чыл эрткен-даа болза, Вавилон бузундулар бооп артпышаан хевээр. Библияда ону канчаар өттүр билип медеглээнин көрүңер.
Исайя 13:19, 20-ни номчааш, харыылаптыңар:
-
Вавилоннуң дугайында бо өттүр билген медеглел канчаар күүсеттингенил?
Амгы үеде Ирактың девискээринде Вавилоннуң бузундулары
6. Библияда амгы үеде болуп турар чүүлдерни база өттүр билип медеглээн турган
Библияда бистиң чурттап турар үевисти «сөөлгү хүннер» дээн (2 Тимофейге 3:1). Сөөлгү хүннерде чүү болурун Библияда мынчаар бижээн:
Матфей 24:6, 7-ни номчааш, харыылаптыңар:
-
Библиядан алырга, сөөлгү хүннерде кандыг болуушкуннар болурул?
2 Тимофейге 3:1—5-ти номчааш, харыылаптыңар:
-
Библиядан алырга, сөөлгү хүннерде кижилерниң мөзү-шынары, аажы-чаңы кандыг апаарыл?
-
Кижилер шынап-ла ындыг апарган деп эскерер-дир силер бе?
ЧАМДЫК УЛУС МЫНЧА ДЕП БОЛУР: «Библияда мифтер болгаш тоолчургу чугааларны бижээн».
-
Библия бүзүрелге төлептиг деп, кандыг бадыткал силерни бүзүредир-дир?
КОЛ БОДАЛ
Күүсеттинген өттүр билген медеглелдер база эртем болгаш төөгү Библияга бүзүреп болур деп бадыткап турар.
Катаптаашкын
-
Библияда бижээн чүүлдер — тоолчургу чугаалар бе азы алыс шын бе?
-
Библия эртем-биле дүгжүп турар деп, кандыг бадыткалдар бар?
-
Библияда өттүр билген медеглелдер күүсеттинип турар деп бүзүрээр силер бе? Тайылбырлаптыңар.
НЕМЕЛДЕ
Эртем талазы-биле алырга, Библияда частырыглар бар бе?
«Сөөлгү хүннер» дугайында чүнү билир бис?
Грек империя дугайында библейжи өттүр билген медеглелдерниң канчаар күүсеттингенин видеодан көрүңер.
«Өттүр билген медеглелдер бүзүреливисти быжыктырып турар» (5:22)
Бир кижиниң Библияга хамаарылгазы библейжи өттүр билген медеглелдерни шинчилээн соонда канчаар өскерилгенин номчуңар.
«Бурган чок деп бодап чораан мен» («Таңныыл суургазы» № 5, 2017 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
