«Библиысь книгаосын тодматскон» видеороликъёс
Библиысь котькуд книга сярысь вакчияк информация.
Библиен тодматскон
Тодэ, кызьы Библиысь котькуд книга валэктэ солэсь валтӥсь малпанзэ — кызьы Инмарлэн нимыз чылкытатэмын луоз инмысь Эксэйлыкез пыр, кудаз Иисус Христос Эксэй луоз.
Улон-вылон книгаен тодматскон
Улон-вылон книгаын верамын, кызьы адямиос кылдытэмын вал, но верамын, малы адямиос курадӟыны но кулыны кутскизы.
Потон книгаен тодматскон
Инмар израиль калыкез Египетысь ляльчиысь мозмытӥз но аслыз калык кариз.
Левит книгаен тодматскон
Тодэ, мар верамын Левит книгаын Инмарлэн дун-чылкыт луэмез сярысь но со сярысь, малы милемлы но дун-чылкыт луоно.
Лыдпусъёс книгаен тодматскон
Учке, макем кулэ Иеговалэсь кылзӥськыны но гажаны соосты, кинэ Иегова кивалтыны пуктӥз.
Кыкетӥ Закон книгаен тодматскон
Тодэ, кызьы Иеговалэн Израиль калыклы сётэм Законысьтыз адӟиське калыксэ юн яратэмез.
Иисус Навинлэн книгаеныз тодматскон
Учке, кызьы израиль калык киултӥз но люкиз музъемез, кудзэ соослы Инмар сётӥз.
Судьяос книгаен тодматскон
Библиысь та книга кышкасьтэм судьяос сярысь вера, кудъёсыз пыр Инмар израиль калыкез тушмонъёслэсь утьылӥз.
Руфь книгаен тодматскон
Та книгаын вераське палкышно кылем Руфь сярысь, кудӥз огназ кылем Ноеминез ӟырдыт яратӥз. Озьы ик верамын, кызьы Иегова соосты бакель кариз.
Эксэйлыкъёслэн нырысетӥ книгаенызы тодматскон
Тӥ тододы, кыӵе югдур вал Израильын, куке судьяос ӧй вал ини но эксэйёс кивалтыны кутскизы.
Эксэйлыкъёслэн кыкетӥ книгаенызы тодматскон
Тодэ Давид сярысь. Солэн юн осконэз вал но со зӥбыт-востэм вал, соин тросэз Библиысь та адямиез тодо но ярато.
Эксэйлыкъёслэн куинетӥ книгаенызы тодматскон
Соломонлэн кивалтэмез улсын Израиль узыр но азинлыко шаер вал. Нош берло со кык тушмонъяськыса улӥсь эксэйлыкъёслы люкиськиз. Тодэ, кызьы со луиз.
Эксэйлыкъёслэн ньылетӥ книгаенызы тодматскон
Учке, кызьы уйпал Израиль эксэйлык Иеговалэсь палэнске, нош Инмар бакель каре соосты, кинъёс солы вань сюлмысьтызы ужало-тыршо.
Нырысетӥ Паралипоменон книгаен тодматскон
Тодэ, кыӵе выжыысь Давид эксэй потӥз но кызьы со Израильын кивалтӥз.
Кыкетӥ Паралипоменон книгаен тодматскон
Иудей эксэйёслэн кивалтэмзы возьматэ, макем кулэ Инмарлы оскымон луыны.
Ездралэн книгаеныз тодматскон
Иегова сётэм кылзэ быдэстэ: со ас калыксэ вавилон пленысь мозмытэ но Иерусалимын зэмос йыбырттонэз тупатэ.
Неемиялэн книгаеныз тодматскон
Неемиялэн книгаысьтыз дышетскыны быгато ваньмыз, кинъёс туннэ зэмос Инмарлы йыбыртъяло.
Есфирь книгаен тодматскон
Есфирь улон нуналъёсы луэм учыръёс милесьтым осконмес юнмато, Инмар асьме нуналъёсы но аслэсьтыз калыксэ мозмытыны быгатэ шуыса.
Иов книгаен тодматскон
Ваньмыз, кинъёс Иеговаез ярато, шуг-секытъёсын пумиськозы. Иов сярысь книга оскытэ милемыз, ми Инмарлы оскымон кыльыны но со пала дурбасьтыны быгатомы шуыса.
Псалтирь книгаен тодматскон
Псалтирь книга Иеговалэн кивалтэмезлы дурбасьтэ, Иеговаез яратӥсьёслы юрттэ но соосты буйгатэ но вера, кызьы Инмарлэн Эксэйлыкез дуннеез воштоз.
Мадёнъёсын книгаен тодматскон
Инмарлэн визь-кенешъёсыз котькуд удысын юртто: уж дорын но, семьяын но. Тодэ, кызьы соос тӥледлы юрттыны быгато.
Еврейёслы гожтэтэн тодматскон
Азьвыл еврейёс Инмарлы храмын йыбыртъязы но курбонъёс вайылӥзы. Нош туала йыбыртъян амалмы трослы умойгес.
