Сак лыдӟиды-а тӥ та арын поттэм «Возьмаськон башняез»? Быгатоды-а тӥ та юанъёслы валэктонъёс сётыны?

Кызьы учконо кышномуртъёс шоры, Иеговалэсь адӟем карыса?

Инмар кышномуртъёсты уг ултӥя но уг малпа, соос пиосмуртъёслэсь маин ке уродгес шуыса. Инмар кышномуртъёсты кылзэ, соослэсь шӧдонъёссэс но малпанъёссэс лыдэ басьтэ. Озьы ик со соослы пӧртэм ужъёс оске (w24.01, 15—16-тӥ бамъёс).

Кызьы ми уже кутыны быгатӥськомы таӵе возетэз: «Сыӵе муртъёсын эн эшъяське» (Еф. 5:7)?

Апостол Павел алӥз, эшъяськоно ӧвӧл шуыса соосын, кинъёс Иеговалэн куронъёсызъя уг уло. Сыӵе адямиосын пумиськыса но, социальной сетьёс пыр но дырмес ортчытъяно ӧвӧл (w24.03, 22—23-тӥ бамъёс).

Кызьы палэнсконо зэмос луисьтэм информацилэсь?

Милемлы чакласькыны кулэ. Шонертэм веранъёсты ми пӧртэм интыосысь кылыны быгатӥськомы. Кылсярысь, агайёс яке сузэръёс пыр, кудъёсыз ӧз эскере, информация зэм-а, ӧвӧл-а. Озьы ик ми быгатӥськомы электрон почта пыр гожтэт басьтыны яке тодытон ужын пумитаны зэмлыклэсь палэнскемъёсты, кудъёсыз зэмлыкен тунсыкъясько кадь, нош асьсэос шонертэмзэ верало (w24.04, 12-тӥ бам).

Мае ми ум тодӥське со сярысь, кыӵе ужпум кутоз Иегова Соломон пумысен но соос пумысен, кинъёс Вутудӟонын, озьы ик Содомын но Гоморраын быризы?

Ми ум тодӥське, Иегова соосты пыраклы быдтӥз-а, ӧз-а. Но ми тодӥськомы, ужпум кутыкуз, гажась-жалясь Инмармы ваньзэ лыдэ басьтоз шуыса (w24.05, 3—4-тӥ бамъёс).

Малы Иегова изгурезен ӵошатӥське? (К. Зак. 32:4).

Ми Иегова дорысь утиськон инты утчаны быгатӥськомы. Со оскиськымон Инмар, кудӥз котьку аслэсьтыз кылсётонъёссэ быдэстэ. Иегова уг вошъяськы но аслаз малпанъёсызлэсь но эсэпъёсызлэсь уг куштӥськы (w24.06, 26—28-тӥ бамъёс).

Мар юрттоз выль кенешлы дышыны?

Иеговалы оскиське. Со вашкала дыръя аслаз ужась-тыршисьёсызлы юрттӥз, тӥледлы но юрттоз. Эн ӵошатэ выль кенештэс азьвыл кенешеныды. Выль эшъёс шедьтэ но тэк эн пуке (w24.07, 26—28-тӥ бамъёс).

Малы дышетскыны луэ, Матфейлэсь 25-тӥ люкетысь куинь мадёнъёсты лыдӟыса?

Ыжъёс но кечъёс сярысь мадён возьматэ, оскымонэсь луыны кулэ шуыса. Визьмоесь но нодтэмесь нылъёс сярысь мадён валэктэ, дась луоно но сак улоно шуыса. Нош талантъёс сярысь мадён мылкыдмес ӝутэ тыршисесь луыны (w24.09, 20—24-тӥ бамъёс).

Мар ӝужда вал Соломон храмлэн пырон азяз ватсаса пуктэм люкетэз?

Куд-ог вашкала манускриптъёсын 3 Эксэйлыкъёслэн 3:4 гожтэмын, ватсаса пуктэм люкетлэн ӝуждалаез «120 гырпум» (яке 53 метр) вал шуыса. Нош мукет оскымон манускриптъёсын та кылбурын гожтэмын «20 гырпум» (яке 9 метр). Лыдэ басьтоно ке, мар пасьта вал храмлэн борддоръёсыз, со 120 гырпум ӝужда луыны уг быгаты вал (w24.10, 31-тӥ бам).

Кызьы валано, кенешлы юрттӥсьлэн «одӥг кышноез луыны кулэ» шуыса? (1 Тим. 3:12, ВД).

Со одӥг кышномуртэн гинэ кузпалъяськемын луыны кулэ но азон-калгонлэсь палэнскыны кулэ. Со сяна, со мукет кышномуртъёслы мултэс саклыксэ висъяны кулэ ӧвӧл (w24.11, 19-тӥ бам).

Малы вераны луоз, кылъёс, кудъёсыз гожтэмын Иоаннлэсь 6:53, Ӝытанэн герӟаськемын ӧвӧл шуыса?

Иоаннлэсь 6:53 вераське, адямиос Иисуслэсь мугорзэ сиыны но солэсь вирзэ юыны кулэ шуыса. Та кылъёсты Иисус вераз асьме вакытысь 32-тӥ арын Галилеяын еврейёслы, кудъёсыз солы оскыны кулэ вал. Нош кызьы пусъёно Ӝытанэз, Иисус возьматӥз, ар пала ортчыса, Иерусалимын. Отын вал соос, кинъёсын ӵош Иисус инмын кивалтыны кулэ вал (w24.12, 10—11-тӥ бамъёс).