КЫК нылмуртъёс мыно вал Багио карысь (Филиппины) урам кузя. Соос адӟизы публикациосынымы тележкаез, но матаз ӧз лыктэ. Хелен сузэр, кудӥз тележка вӧзын сылӥз, соос шоры учкыса, вань сюлмысьтыз пальпотӥз. Нылмуртъёс сюрессэс азьланьтӥзы, но Хеленлэн шуныт пальпотэмез соослэн сюлмазы ик пыриз.

Берлогес, автобусэн бертыкузы, нылмуртъёс адӟизы Эксэйлык юрт бордысь бадӟым букваосын «jw.org» гожтэмез. Соос тодазы вайизы, та букваосты ик публикациосынымы тележка вылысь но адӟизы вал шуыса. Нылмуртъёс автобусысь потӥзы но, Эксэйлык юрт доры лыктыса, пырон азьысьтыз адӟизы, ку ортчо кенешлэн пумиськонъёсыз.

Ӝоген та нылмуртъёс одӥгаз пумиськонэ лыктӥзы. Кызьы тӥ малпаськоды, кинэ соос адӟизы Эксэйлык юртысь? Хелен сузэрез! Нылмуртъёс соку ик валазы, ӵапак та кышномурт соослы пальпотӥз вал шуыса. Хелен вера: «Куке соос лыктӥзы, мон ӧжыт кышкай вал но малпай, мон мае ке шонертэм лэсьтӥ шуыса». Но нылмуртъёс солы ваньзэ валэктӥзы.

Та нылмуртъёслы туж кельшиз пумиськон но, озьы ик вын-агайёслэн но сузэр-апайёслэн соосты шуныт пумитамзы но. Соос асьсэды доразы кадь шӧдӥзы. Куке нылмуртъёс адӟизы, кызьы пумиськон бере агайёс но сузэръёс Эксэйлык юртын утялскыны кутскизы, соос но асьсэлэсь юрттэтсэс ӵектӥзы. Берлогес одӥгез нылмурт мукет шаере кошкиз. Нош кыкетӥез пумиськонъёсы ветлыны но Библиез дышетыны кутскиз. Тани кыӵе умой емышъёс вайиз пальпотон!