Улон — со кузьым. Вань улытозяз адями азьын трос луонлыкъёс усьтӥсько. Улон милемлы шумпотон вае. Ми быгатӥськомы шумпотыса улыны соку но, куке шуг-секытъёсын пумиськиськомы. Кызьы улон понна тау кароно? Малы со понна тау кароно?

1. Малы улон понна тау кароно?

Улонэз дунъяно но со понна тау кароно, малы ке шуоно сое сётӥз милемлы Иегова, яратӥсь Атаймы. Иегова ваньмызлы улон сётэ. Со «дорын улонлэн ошмесэз» (Псалтирь 35:10). Инмар сётэ милемлы «улон но, шокан но — ваньзэ, мар кулэ» (Апостолъёслэн ужъёссы 17:25, 28). Иеговалы луыса милям ваньмыз вань. Со милемлы ваньзэ сётэ, ми шумпотыса улыны мед быгатомы шуыса. (Лыдӟе Апостолъёслэсь ужъёссэс 14:17.)

2. Кызьы Иеговалы улон понна тау кареммес возьматоно?

Иегова вордӥськымтэ пиналлэсь но улонзэ дунъя. Со адямиез яратэ ини, куке со анаезлэн кӧт пушказ гинэ ай. Тани мар вераз Давид, Инмарлэн одӥгез ужась-тыршисез: «Тынад синъёсыд монэ кылдэмелэсь азьло ик адӟизы ни» (Псалтирь 138:16). Иегова туж дунъя улонмес. (Лыдӟе Матфейлэсь 10:29—31.) Солы туж вӧсь адӟыны, куке адями мукет адямиез вие яке аслэсьтыз йырзэ быдтэ (Потон 20:13) a. Озьы ик Иеговалы туж вӧсь, куке ми асьмелэн улонмылы яке мукетъёсызлэн улонзылы кышкытлык вайиськомы. Озьыен, ми асьмелэсь улонмес но мукетъёсызлэсь улонзэс дунъяськомы но утьыны тыршиськомы ке, возьматӥськомы, Иеговалы улон понна тау кариськомы шуыса.

 МУРГЕС ЭСКЕРЕ

3. Асьтэлэсь тазалыктэс уте

Куке адями аслэсьтыз улонзэ Инмарлы сӥзе но христиан мурт луэ, со кылзэ сётэ вань улытозяз Инмарлэсь кылзӥськыса улыны. Вераны луоз, со аслэсьтыз мугорзэ Инмарлы сётэ шуыса. Со дырысен христиан муртлэн быдэс улонэз Инмарлэн кияз. Лыдӟе Римъёслы 12:1, 2 но та юанъёслы валэктонъёс сётэ:

• Малы тӥляд мылкыдды луыны кулэ тазалыктэс утьыны?

• Кызьы тӥ быгатоды тазалыктэс утьыны?

 5. Вордскымтэ пиналлэсь улонзэ уте

Давид чебер кылъёсын вераз, макем Иегова сак учке, кызьы нылпи анаезлэн кӧт пушказ будэ. Лыдӟе Псалтирез 138:13—17 но та юанлы валэктон сётэ:

• Иеговалэн малпамезъя, ку адямилэн улонэз кутске: куке адями кӧт пушкын кылдэ гинэ ай яке куке вордӥське?

Вашкала Израильлы Иегова закон сётӥз, кудӥз уте вал секытэн кышномуртэз но, солэсь вордскымтэ пиналзэ но. Отын гожтэмын: «Пиосмуртъёс жугиськыкузы секытэн луэм кышномуртэз шуккизы ке, со дырызлэсь вазь нуны вайиз ке, но нокудзы ӧз кулэ ке, янгыш мурт изъян ваемез понна дун тырыны кулэ... Нош шудтэм учыр кулонэ вуттӥз ке, соку тон лул понна лул сётыны кулэ» (Потон 21:22, 23, ВД). Валэктэ:

• Кызьы Иегова учке вал, куке пиосмуртъёс жугиськыкузы секытэн луэм кышномуртэз шуккыны шедьто но кышномуртлэн нылпиез усе вал ке?

• Нош кызьы Иегова учке, куке вордӥськымтэ пиналэз юри виё? b

• Нош тӥ соглаш-а Иеговалэн таӵе учконъёсыныз? Малы?

Учке ВИДЕОРОЛИКЕЗ.

Улонын луо учыръёс, куке улонэз дунъясь кышномурт но малпаны быгатэ: «Та учырын нылпи куштытэк нокызьы но уг луы». Лыдӟе Исаиялэсь 41:10 но та юанъёслы валэктонъёс сётэ:

• Кинлэсь юрттэт куроно кышномуртлы, кудзэ кужмысь нылпизэ куштыны косо? Малы?

 ТОДЭ ВАЁН

Улон — со Иеговалэн кузьымез. Иегова дышетэ милемыз асьмелэсь улонмес но, мукетъёсызлэсь улонзэс но яратыны но дунъяны.

Мае тон тодӥд?

• Малы Иегова адямилэсь улонзэ дунъя?

• Кызьы Иегова учке, куке адямиез юри виё?

• Малы тӥляд улон понна тау каремды потэ?