Momo Lie tu Likutililila Vonduko ya Yesu?
Etambululo Liembimbiliya
Tu sukila oku likutilila ku Suku vonduko ya Yesu momo oyo lika onjila yi taviwa la Suku oco tu kuate ukamba Laye. Yesu wa popia hati: “Ame ndinjila, haime ndicili, haime ndimuenyo. Lomue iya ku Isia, te lame.” (Yoano 14:6) Yesu wa sapuilavo olondonge viaye vakuekolelo hati: “Ocili, ndu sapuili siti, nda vu pinga cimue ku Isia, eye u cĩhi vonduko yange.”—Yoano 16:23.
Esunga lieci tu likutililila vonduko ya Yesu
Tu sivaya Yesu kuenda Isiaye Yehova Suku.—Va Filipoi 2:9-11.
Tu lekisa okuti tua sanjukila olofa via Yesu ndeliangiliyo lia Suku lioku tu yovola.—Mateo 20:28; Ovilinga 4:12.
Tu lekisa okuti tua kapako ocikele ca Yesu momo eye wa siata oku tu pingilako ku Suku.—Va Heveru 7:25.
Tu lekisa okuti tua sumbila ocikele ca Yesu coku kala Ocitunda Cinene ci tu kuatisa oku kuata ukamba wa velapo la Suku.—Va Heveru 4:14-16.
Ove o ka ci Sola
APULILO ATAMBULUIWA LEMBIMBILIYA
Ndi Sukila hẽ Oku Likutilila Kolosandu?
Konomuisa eci Embimbiliya li popia catiamẽla konjila tu kuama poku likutilila.
UTALA WONDAVULULI
Momo Lie Tu Likutililila Vonduko Ya Yesu?
Momo Lie Tu Likutililila Vonduko Ya Yesu?
UTALA WONDAVULULI
O Pondola Oku Likutilila Ndati Kuenda Oku Yeviwa?
Sapela la Suku vapuluvi osi kuenda otembo yosi, ci kaile lolukandi ale vutima. Yesu o tu kuatisa o kũlĩha eci tu popia.
ALONGISO EMBIMBILIYA
Seteka Elilongiso Lietu Liembimbiliya
Kuata elilongiso limue Liembimbiliya liocali lolonumbi via liyekala.