Sio!

 Ocili cimue: Olonjanja vialua oku sola lika omanu vakuavimatamata vimuamue, ocina cimue ci pita.

 Eci oco Lisette o kuete 16 kanyamo a limbuka. Eye wa solele calua ufeko umue. Eye wa popia hati: “Poku lilongisa uloño wo Biologia kosikola, nda limbuka okuti etimba liomunu li pongoloka vokuenda kuotembo kuovomalẽhe. Ndi sima okuti nda amalẽhe valua va kũlĩhile ciwa ovina vi pita ketimba liavo, nda va limbuka okuti oku sola omunu ukuavimatamata vimuamue ocina cimue ci pita kuenda ka va vetiyiwa oku kuela omunu umue ukuavimatamata vimuamue.”

 Pole, nye o linga nda wa limbuka okuti ocisola o kuetele omunu ukuavimatamata vimuamue ka ci piti? Anga Suku ongangala poku kisika okuti omunu o sole ukuavimatamata vimuamue o yuvula oku kuela lomunu waco?

Nda wa tambulula okuti oco kepulilo eli, ciwa oku kũlĩha okuti ocisimĩlo caco ci tiamisiwila kocisimĩlo ka ca sungulukile cokuti, omunu o sukila oku pokola koloñeyi viukahonga. Embimbiliya li lungula omanu poku va sapuila okuti va pondola oku yuvula oku kuama oloñeyi vĩvi viukahonga.—Va Kolosai 3:5.

Ovisimĩlo Viembimbiliya via sunguluka. Olio li vetiya omanu vana va kuete onjongole yoku lipekela lomanu vakuavimatamata vimuamue, oku pokola konumbi ya eciwa komanu vana va sole omanu vakuavimatamata via litepa yokuti: “Tili evĩho liukahonga.” (1 Va Korindo 6:18) Ocili ceci okuti, omanu valua va sole omanu vakuavimatamata via litepa okuti va yongola oku pokola kolonumbi Viembimbiliya, va siata oku likandangiya koloseteko oco ka va ka yapuisiwe lalambalalo va liyaka lavio. Omanu vana va sole vakuavimatamata via litepa, va pondolavo oku ci linga nda okuti va yongola oku sanjuisa Suku.​—Esinumuĩlo 30:19.